3
ივნისიდღის ზოგადი ასტროლოგიური პროგნოზი
მაყვალა და არჩილ ჩიხლაძეების დუეტი გასული საუკუნის 70-80-იან წლებში განსკუთრებულად პოპულარული იყო. მათი ზოგიერთი სიმღერა დღემდე ინარჩუნებს პოპულარობას. გასული საუკუნის 70-იანი წლებიდან მოყოლებული, გამუდმებით ისმოდა ფრაზა: "მღერიან მაყვალა და არჩილ ჩიხლაძეები"...
ყველაზე ხშირად მათთვის სიმღერებს ოთარ თევდორაძე ქმნიდა, მათ შორის იყო სიმღერა "კართან მოდგა შემოდგომა", რომლის მელოდია და ტექსტი ხალხს დღემდე ახსოვს.
ისინი ყოველთვის ერთად მოიაზრებოდნენ, თუმცა მეუღლეებისგან შემდგარი დუეტი დღეს ცალ-ცალკე ცხოვრობს.
ცოტა ხნის წინ გავრცელებულ ინფორმაციას, რომ მომღერალი არჩილ ჩიხლაძე შიმშილობის ზღვარზეა, საზოგადოების დიდი გამოხმაურება მოჰყვა. მოგვიანებით, მომღერლის ქალიშვილმა ირმა ჩიხლაძემ ამის საპასუხოდ განაცხადა, რომ გავრცელებული ინფორმაცია სიცრუე იყო და 80 წლის არჩილ ჩიხლაძეს მხოლოდ ჯანმრთელობის პრობლემები ჰქონდა.
ასეა თუ ისე, დღეს არჩილ ჩიხლაძე თბილისში ერთ-ერთ მოხუცებულთა თავშესაფარში ცხოვრობს. ცოტა ხნის წინ სწორედ პანსიონატის ფეისბუქის გვერდზე გავრცელდა ვიდეო, რომელზეც ასახულია, როგორ მღერიან დუეტში მაყვალა და არჩილ ჩიხლაძეები ცნობილ სიმღერას - "კართან მოდგა შემოდგომა..." (იხილეთ ვიდეო)
ვიდეოს თანდართული აქვს ასეთი მინაწერი: "არჩილ და მაყვალა ჩიხლაძეები. დუეტი 33-წლიანი შესვენების შემდეგ Barbare XXI - Home For The Elderly-ში. სწორედ ჩვენი პანსიონატი გახდა მიზეზი 33-წლიანი შესვენების შეწყვეტისა. ბატონი არჩილი ამ სახლის ერთერთი მასპინძელია (ბენეფიციარია). საოცრად თბილი და მშვიდი ბატონი არჩილი..." - ვკითხულობთ პოსტში.
