ვაკეში მომხდარი სროლის დროს დაჭრილი მამაკაცის მდგომარეობა მძიმეა
ვაკეში მომხდარი შეიარაღებული თავდასხმის დროს დაჭრილი პირი რესპუბლიკურ საავადმყოფოშია გადაყვანილი. როგორც "ინტერპრესნიუსს" სასწრაფო-სამედიცინო დახმარების სამსახურში განუცხადეს, დაჭრილს ცეცხლსასროლი ჭრილობები აღენიშნება.
"პირველადი დათვალიერებით, აღენიშნება ცეცხლსასროლი ჭრილობები მხრისა და გულ-მკერდის არეში", - განაცხადეს სასწრაფო-სამედიცინო დახმარების სამსახურში.
მათივე განმარტებით, ადგილზე მისულებს დაჭრილის გარდა გარდაცვლილი დახვდათ ერთი პირი.
როგორც რესპუბლიკურ საავადმყოფოში აცხადებენ, დაჭრილ მამაკაცს უტარდება კვლევები და პაციენტი იმყოფება მიმღებ რეანიმაციულ განყოფილებაში. საავადმყოფოს პრესსამსახურის ინფორმაციით, არის თუ არა ამ ეტაპზე სიცოცხლესთან შეუთავსებელი ჭრილობები, დაზუსტება უჭირთ.
შეიარაღებული თავდასხმა ფალიაშვილისა და რიგის ქუჩების გადაკვეთაზე მოხდა. ცეცხლი 2 ახალგაზრდა მამაკაცს გაუხსნეს. არაოფიციალური ინფორმაციით, თავდამსხმელები ნიღბებით იყვნენ.
შინაგან საქმეთა სამინისტრომ ვაკეში მომხდარ მკვლელობაში ეჭვმიტანილი უკვე დააკავა.
ვინ იყო ვაკეში მოკლული სოსო ჯოხაძე და რა კავშირი ჰქონდა მას იუსტიციის მინიტრთან
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
