მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ უჩივიან ზღვაზე დამსვენებლები სურდოსა და ჰერპესს - ინფექციები, რომლებიც სიცხეში აქტიურდება
06:11 / 02-09-2016
ზაფხულის ცხელ პერიოდში მწვავე დიარეული და ნაწლავური დაავადებების შემთხვევათა რაოდენობა მატულობს. წელს ეს დაავადებები აქტუალური, განსაკუთრებით ზღვისპირა კურორტებზე დამსვენებლებში გახდა.
საზღვაო კურორტებზე დამსვენებლების ნაწილი ტემპერატურის მატებას, აკნეს, ჰერპესული ინფექციის გააქტიურებასა და დიარეას უჩივის, რაც დაავადებათა კონტროლის ცენტრის ინფორმაციით, გარემოში მაღალ ტემპერატურაზე პათოგენური მიკრობების ცხოველმყოფელობის გაძლიერებასთან და იმუნიტეტის დაქვეითებასთანაა დაკავშირებული.
ცენტრის გადამდებ დაავადებათა განყოფილების ზედამხედველობის უფროსი, ხათუნა ზახაშვილი, აღნიშნულ სიმპტომებს პარვოვირუსს უკავშირებს:
"რაც შეეხება სიცხეს და გამონაყარს, ეს შეიძლება სხვადასხვა ინფექცია იყოს, რომელიც ყველაზე მეტად პარვოვირუსთანაა დაკავშირებული, თუმცა ცალსახად ვერ ვიტყვით, რომ ეს ვირუსი მხოლოდ ზღვისპირა კურორტებზე ემართებათ და სხვაგან არა, ის ყველგან შეიძლება გავრცელდეს და თანაც, ახლა საქართველოში ციკლური მატების პერიოდი აქვს. ასევე, გვაქვს შემთხვევათა მომატებული რაოდენობა, რაც მასობრივი თავშეყრის ადგილებში ყოფნას უკავშირდება, ამიტომ ცხადია, ისეთ კურორტებზე მოხვედრა, სადაც ძალიან ბევრი ხალხია, შეიძლება ინფექციის გავრცელებასთან იყოს ასოცირებული,"- აღნიშნა მან.
პარვოვირუსი დაავადებაა, რომლის დამახასიათებელი გამონაყარი სამ ეტაპად ჩნდება. თავდაპირველად თავს იჩენს ლოყების მკვეთრი სიწითლე, ამის შემდეგ ტანსა და კიდურებზე ჩნდება წითელი, ლაქოვანი გამონაყარი, მცირე ზომის ელემენტები დიდდება, ერთმანეთს უერთდება და ფორმით ბადეს წააგავს. გამონაყარი, როგორც წესი 2-დან 34 დღემდე გასტანს და მას აქერცვლა არ ახასიათებს. პარვოვირუსის დროს, პაციენტი შესაძლოა საერთო მდგომარეობის გაუარესებას, თავის ტკივილს, სურდოს, ყელის ტკივილსა და კუჭ-ნაწლავის ტრაქტის ფუნქციის მოშლას უჩიოდნენ. დაავადება ვაქცინით მართვადი არ არის და თავისთავად იკურნება.
რესპუბლიკური კლინიკური ინფექციური საავადმყოფოს ნაწლავთა ინფექციების გამგე, თემურ ქველიძეც აღნიშნული სიმპტომებით მიმართვიანობის ზრდას ცხელ პერიოდში ბაქტერიების მომრავლებას უკავშირებს. მისი თქმით, სამი ფაქტორი - მუცლის ტკვივილი, დიარეა და ცხელება - მწვავე ნაწლავურ ინფექციაზე მიგვანიშნებს, რაც ზაფხულში განსაკუთრებით გავრცელებულია:
"ზაფხულის ცხელ პერიოდში, ბაქტერიები მრავლდება და შესაბამისად, ნაწლავთა ინფექციები უფრო მეტია. რაც შეეხება ჰერპესს, ეს არის ვირუსული ინფექცია და როდესაც იმუნური სისტემა ქვეითდება, ეს ინფექციაც აქტიურდება" - განაცხადა სპეციალისტმა. მან ასევე დასძინა, რომ წინა წლებთან შედარებით, მსგავსი ჩივილებით მიმართვიანობა 2016 წელს არ გაზრდილა.
დაავადადებათა კონტროლის ცენტრის ინფორმაციით, სტატისტიკურად, ინფექციურ დაავადებათა 50% ზაფხულის ცხელ პერიოდში ფიქსირდება. ცენტრის სპეციალისტები მოსახლეობას ურჩევენ, რომ თავი შეიკავონ თვითმკურნალობისგან, რათა დაავადების დიაგნოსტიკა არ გაართულონ, გამოიყენონ სუფთა სასმელი წყალი, ღია წყალსატევში ბანაობისას ან თევზჭერისას წყალი არ ჩაყლაპონ, არ მიიღონ მოხარშული ან ათქვეფილი ნაღებით მომზადებული ტორტები და ნამცხვრები, მაცივარში მზა და უმი პროდუქტების დიფერენციაცია მოახდინონ და მკაცრად დაიცვან სანიტარული ნორმები.
მარიამ მენაბდიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
