ავარიული და სამედიცინო დახმარებისთვის შეუსაბამო ამბულატორიები ზუგდიდის სოფლებში

როგორ პირობებში ფუნქციონირებენ საექიმო ამბულატორიები ზუგდიდის მუნიციპალიტეტში, რა გარემოში უწევთ მათ პაციენტებისთვის პირველი სამედიცინო დახმარების აღმოჩენა - ამ საკითხებზე ახალგაზრდა იურისტთა ასოციაციის ადგილობრივ ოფისში იმსჯელეს. შეხვედრა პროექტ "მოქალაქეთა ჩართულობა ეფექტური თვითმმართველობისთვის" ფარგლებში გაიმართა. სამედიცინო პუნქტების უმრავლესობას თითქმის იდენტური პრობლემები და საჭიროებები აქვს. არასაკმარისი ინვენტარი, სარემონტო ოთახები, ავარიული შენობა, შეუკეთებელი სახურავი, საიდანაც წვიმის წყალი ჩამოდის და კედლებს აზიანებს, ხშირ შემთხვევაში წყალმომარაგების პრობლემა და ვედროებით მოზიდული წყალი, ასეთია მთლიანობაში სურათი.

მსგავს პირობებში ემსახურებიან პაციენტებს ძველი აბასთუმნის ამბულატორიაშიც. კედლები გაჟღენთილია წყლით, რომელიც არ შრება, ცვივა ბათქაში. ობი მოედო ოთახებს. შენობის შესასვლელი კარი იმდენად დამპალია, რომ არც იკეტება.

"თავის დროზე "ოქსფამმა" მოგვიყვანა წყალი. მერე ვიღაცები, მოსახლეობა ჩაერთო მილში და ჩვენამდე არ მოდის. მიმდინარე რემონტი აუცილებლად უნდა გაკეთდეს და გათბობის საკითხია მოსაგვარებელი", - აღნიშნა ამბულატორიის ექიმმა ლანა კუტალიამ, თუმცა დასძინა, რომ ამ პირობების მიუხედავად ჰიგიენურ ნორმებს იცავენ.

იხილეთ ვრცლად

livepress.ge