ასეთ ბრაზილიას სერიალებში ვერ ნახავთ - როგორ ცხოვრობენ სინამდვილეში

ბრაზილია კარნავალებით, სერიალებითა და ოქროსფერი პლაჟებით ყოველთვის უამრავი ადამიანის დაინტერესებას იწვევს. მას კონტრასტების ქვეყანას უწოდებენ - მდიდრული შენობებისა და ფუფუნების გვერდით ღატაკი დასახლებები, ე.წ. ფაველები ტურისტებს შიშის ზარს სცემს.

ფაველები ბრაზილიის ქალაქების უღარიბესი დასახლებებია. ამ უბნებში არ არის განვითარებული ინფრასტრუქტურა, კანალიზაცია, მაღალია კრიმინალის დონე. ფაველები შენდება სხვადასხვა მასალისგან, აგურით დაწყებული და ნაგვით დამთავრებული. სახლები ფაველებში ერთმანეთთან ძალიან ახლოს ან ერთმანეთზეა ნაგები. ყველაზე ცნობილი ფაველა რიო-დე-ჟანეიროსა და სან-პაოლოს ირგვლივაა. 2010 წლის მონაცემებით, რიოს ყოველი მეხუთე მკვიდრი ფაველაში ცხოვრობს.

როგორ სახლებში ცხოვრობენ ბრაზილიელები, როგორია მათი ყოფა ფაველებში - რამდენიმე ჟურნალისტმა შეძლო ფაველებში შეღწევა და იქ მცხოვრებთა ყოფა-ცხოვრების აღწერა. ერთ-ერთ მათგანს გიდიც ახლდა, სანტა მარიას ფაველის მკვიდრი. სხვანაირად გაუჭირდებოდა იქ მოხვედრაც და იქიდან თავის დაღწევაც...

პედრო, ფაველის მკვიდრი: რიოში ათასზე მეტი ფაველაა. იქ მილიონობით ადამიანი ცხოვრობს. სანტა მარიას ფაველაში სულ 700-მდე სახლია, რომელშიც დაახლოებით 6-7 ათასი ადამიანი ცხოვრობს. ოფიციალური სტატისტიკა, რა თქმა უნდა, არ არსებობს. ეს ფაველა არც ისეთი საშიშია. აქ სეირნობა დღისითაც შეიძლება და ღამითაც. უსაფრთხოა კიდევ რამდენიმე ფაველა რიოს სამხრეთით, რადგან ისინი მაფიისა და ნარკოდილერებისგან გაწმინდეს. მაგრამ ჩრდილოეთ ფაველებში გამოჩენას არ გირჩევთ. შეიძლება არ მოგკლან, მაგრამ გაძარცვას ვერ გადაურჩებით...  განაგრძეთ კითხვა და დაათვალიერეთ ფოტოგალერეა