მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რომელმა მსახიობებმა დატოვეს "ჩემი ცოლის დაქალები" პოლიტიკური შეხედულებების გამო
09:21 / 22-08-2016
პოპულარული სერიალის "ჩემი ცოლის დაქალების" პარალელურად, "ფორმულა კრეატივმა" ახალი სერიალი - "ხელოვნური სუნთქვა" დაიწყო, რომელმაც წინამორბედივით, მალევე მოიპოვა მაყურებელში პოპულარობა და სიყვარული. ბევრი ფიქრობდა, რომ ეს "ჩემი ცოლის დაქალების" დასასრულზე მიუთითებდა, მაგრამ სერიალის ფანების გასახარად, ეს ასე არ აღმოჩნდა - ორივე სერიალი 14 სექტემბრიდან კვლავ დაუბრუნდება სატელევიზიო სეზონს. იქამდე კი სერიალების კულუარებზე პროდიუსერმა ირაკლი საღინაძემ ჟურნალ "თბილისელებთან" ისაუბრა. გთავაზობთ ნაწყვეტებს ინტერვიუდან:
- პოლიტიკურ პლატფორმაზე გკითხავთ. თქვენს სერიალებში დაკავებული ბევრი მსახიობი, პარალელურად, GDS-ის სერიალებშიც იღებს მონაწილეობას. ერთ-ერთი პირველთაგანი, რომელმაც არჩევანი მათზე გააკეთა, რევაზ ნასიძე იყო (სერიალში მაკას ვაჟის, გიოს როლს ასრულებდა).
- ჰო, მან უარი თქვა აქ თამაშზე და ძალით ხომ არ ვათამაშებდი? მე პრობლემას მიქმნიდა მისი გრაფიკი და დაისვა პრიორიტეტების საკითხი. მისთვის პრიორიტეტი ის აღმოჩნდა და კი ბატონო, კარგად ბრძანდებოდეს... მე მაქვს ჩემი პოლიტიკური შეხედულება და მსახიობების ოთხმოცი პროცენტის შეხედულებები შეიძლება, მას საერთოდ არ ემთხვევა. მაგრამ, როცა საქმეს აკეთებ, ეს არ არის მნიშვნელოვანი. ნასიძისთვის "რუსთავი 2" იყო პოლიტიკური პროპაგანდის მანქანა. მის პოლიტიკურ პრეფერენციებს GDS ესადაგებოდა, მიუხედავად იმისა, რომ ჩვენ არაფერში შეგვიზღუდავს.
- კიდევ ერთი მსახიობი, რომელიც პოლიტიკური შეხედულების გამო წავიდა, იყო დათუნა გოცირიძე.
- "რუსთავი 2-ის" კრიზისის დროს, მან გადაწყვიტა, რომ პოლიტიკური ფაქტორიდან გამომდინარე, აქ მისი ადგილი არ იყო. ეს მისი არჩევანია, მე არაფერში შემიზღუდავს.
- როგორც ვიცი, ამ სეზონზე ერთ-ერთი წამყვანი ფიგურა ზურა ინგოროყვა (გმირი - კოტე) უნდა ყოფილიყო. მაგრამ, იმის გამო, რომ ის პარალელურად, გოგა ხაინდრავას ფილმშია დაკავებული, თქვენ სცენარი შეცვალეთ...
- კი. ვგეგმავდით, რომ კოტეს ხაზი უფრო მსუყედ ყოფილიყო სერიალში. რომ გითხრა, დაწერილი სცენარი გადაკავეთეთ-მეთქი, არა, მაგრამ იდეის კორექცია მოგვიხდა მსახიობის ინტერესებიდან გამომდინარე. მე მიყვარს ადამიანები, რომელთაც ტყუილის გარეშე უყვართ რეალური მოცემულობის თქმა და თუ მოცემულობა ჩვენც გვაწყობს, მაშინ ვთანხმდებით.
- ხაინდრავას ფილმშიც ბევრი თქვენთან დაკავებული მსახიობი მონაწილეობს. როდესაც მათი პოლიტიკური შეხედულებები ემთხვევა იმ ფილმში გატარებულ იდეას, "ჩემი ცოლის დაქალები" კი გადის "რუსთავი 2-ზე", ანუ ორი აბსოლუტურად სხვადასხვა პლატფორმაა, ეს უხერხულობას არ გიქმნით?
- რომ გითხრათ, ძალიან მიხარია და მსიამოვნებს-მეთქი, მოგატყუებთ. ჩემი სუბიექტური აზრიდან გამომდინარე, ეს არაა მაინცდამაინც პოზიტიური ამბავი, მაგრამ ადამიანებს არჩევნის თავისუფლება აქვთ. შეიძლება, დიდი პოლიტიკური ვნება არა, მაგრამ ფინანსური ინტერესი ამოძრავებთ, რაშიც ხელს ვერ შევუშლით, რადგან ჩვენ არ გვაქვს ისეთი ფინანსურ შესაძლებლობები, რომ მათ კონტრაქტით სხვა ფილმებში მონაწილეობა ავუკრძალოთ. რომ შეგვეძლოს შესაბამისი ფინანსური უზრუნველყოფა, მაშინ, არ მივცემდით ამის უფლებას.
ქეთი კაპანაძე
ჟურნალი "თბილისელები"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
