"მოამბის" წამყვანი თამარ ურუშაძე საზოგადოებრივი მაუწყებლიდან "იბერიაში" გადადის

"მოამბის" წამყვანი თამარ ურუშაძე საზოგადოებრივი მაუწყებლიდან "იბერიაში" გადადის.

მაუწყებლის დატოვებისა და ახალ ტელეკომპანიაში გადასვლის შესახებ ინფორმაცია ურუშაძემ თავის პირად გვერდზე დაწერა:

"ყველაფერს აქვს დასაწყისიც და დასასრულიც, თითქმის 10-წლიანი მუშაობის შემდეგ, დღეს მოამბე დავტოვე. იმედის მერე, საზოგადოებრივი მაუწყებელი იყო მეორე ტელეკომპანია, რომელშიც ვმუშაობდი. მადლობა მინდა ვუთხრა მოამბელებს, ჩვენს მაყურებელს. ერთმანეთს შევხვდებით ტელეკომპანია იბერიას ეთერში. სექტემბრიდან, ახალ სეზონზე, ახალ საინფორმაციო სამსახურში, ახალი გამოწვევებით და ახალი გეგმებით" - წერს ურუშაძე პოსტში.