როგორ გამოიყურება ბათუმი ძლიერი წვიმისა და ქარის შემდეგ - უახლესი კადრები დატბორილი ქალაქიდან

აჭარაში, ზღვის სანაპიროზე 4-დან 4,5 ბალამდე შტორმი ფიქსირდება.

როგორც AMBEBI.GE-ს აჭარის სამაშველო სამსახურში განუცხადეს, უამინდობას ჯერ მოსახლეობისთვის პრობლემები არ შეუქმნია, ზღვაზე მცურავი საშუალებები კი იახტკლუბშია გადატანილი.

ბათუმში დილიდან ძლიერი წვიმაა, უხვი ნალექის შედეგად დაიტბორა ჭაობის დასახლების ზოგიერთი ქუჩა და ცენტრალური ქუჩების ნაწილი. ბათუმში ასევე ფიქსირდება ძლიერი ქარი, რომელმაც ხე მოგლიჯა.

იხილეთ კადრები დატბორილი ბათუმიდან

როგორც ბათუმიდან AMBEBI.GE-ს კორესპონდენტი იუწყება, ძლიერმა წვიმამ ბათუმში ყველაზე მეტად ჭაობის დასახლება დააზარალა. სულაბერიძის ქუჩაზე მცხოვრებლების ეზოები და სარდაფები წყალმა დაფარა. ადგილობრივების განცხადებით, მოუწესრიგებელი სანიაღვრე სისტემის გამო, მათი უბანი ყოველი ძლიერი წვიმის შემდეგ იტბორება.

დატბორვის გამო საავტომობილო გადაადგილება გართულებული იყო ლერმონტოვისა და გორგილაძის ქუჩების კვეთაში, გრიბოედოვისა და გორგილაძის ქუჩების გადაკვეთაზე. ლერმონტოვისა და ჭავჭავაძის, ლერმონტოვისა და ბაგრატიონის, ბაგრატიონისა და თავდადებულის ქუჩების კვეთებში. უხვი ნალექის შედეგად ასევე დატბორა ზღვისპირა ზოლზე ხიმშიაშვილის ქუჩა.

ძლიერი წვიმის შედეგად ასევე დატბორა ე.წ "ოცნების ქალაქი", სადაც ფიცრულებში მცხოვრებ მოსახლეობას დაუზიანდა საყოფაცხოვრებო ნივთები.

ფოტო: ნინო ხოზრევანიძე