რა უნდა წაშალოთ "ფეისბუქიდან" დაუყოვნებლივ, იმისთვის რომ პირადი ცხოვრება დაიცვათ

"ფეისბუქმა" ბევრი იცის თქვენ შესახებ. ინფორმაცია, რომელსაც საიტზე აზიარებთ შეიძლება თქვენს წინააღმდეგ ბოროტად იქნას გამოყენებული. იმისთვის, რომ თავიდან აირიდოთ უსიამოვნო ეპიზოდები და დაიცვათ თქვენი პირადი ცხოვრება, გაგაცნობთ პრევენციის ზომებს.

ინტერესები

"ფეისბუქი" აგროვებს მომხმარებლის ინეტრესებს რომ შემდეგ მისთვის საინტერესო რეკლამები უჩვენოს. ამას ორი გზით აკეთებს: მოგიწოდებთ რომ მოიწონოთ კონკრეტული გვერდები, შემდეგ კი გამოიცნონ ამ მოწონებებით როგორი გვერდები გირჩიოთ. მაგრამ, შესაძლოა ეს ინფორმაცია პირადი იყოს ან არ გინდოდეთ ხალხმა გაიგოს რ მოგწონთ. ამიტომ, ჯობს წაშალოთ თქვენი ინტერესები, ან არასწორად შეავსოთ, რომ რეალური ინტერესების შესახებ ვერავინ შეიტყოს.

დაბადების თარიღი

დაბადების დღის მილოცვა ფეისბუქზე ტრადიციულ აქტივობად იქცა. შეიძლება არ გიფიქრიათ, მაგრამ მსგავსი პირადი ინფორმაციის გასაჯაროებით ხალხს უადვილებთ, მაგალითად თქვენ საბანკო ანგარიშზე შეღწევის შესაძლებლობას. უმჯობესია, ეს ინფორმაცია დამალოთ და მხოლოდ თქვენ ხედავდეთ.

მისამართი

უცნობს მისცემდით თქვენს კოორდინატებს? მაგრამ შეიძლება "ფეისბუქზე" შეავსოთ ეს ველი. საჯარო ივენთებისას ხშირად უთითებენ საცხოვრებელ ადგილს, რითაც საკუთარ უსაფრთხოებას რისკის ქვეშ აყენებენ.

სად მუშობდით და სწავლობდით

ასე მარტივად შეიძლება მოძებნო ძველი თანამშრომლები ან კლასელები. მაგრამ გსურთ თქვენმა სკოლელმა ან აბეზარმა ყოფილმა თანამშრომელმა მეგობრებში დაგამატოთ? თუ ამ სურვილით არ იწვით, გირჩევთ არ შეავსოთ ეს ორი ველი, ან სახელში ასოები შეცვალოთ/გადაწყოთ.

ძველი, უხერხული ინფორმაცია

ეს იმდენად პრივატულობას და უსაფრთხოების დაცვას არ ეხება რამდენადაც თქვენი ღირსების დაცვას. იმიტომ, რომ ფეისბუქი უკვე იმხელაა, რომ ძალიან ბევრჯერ შეიცვალა, სავარაუდოდ შეიცვალეთ თქვენც.

მომზადებულია independent.co.uk-ს მიხედვით