19
ივლისიდღის ზოგადი ასტროლოგიური პროგნოზი
ახალციხეში, რაბათში, ძველი მეჩეთის მიმდებარე ტერიტორიაზე მცხოვრები მურმან გვენეტაძის ეზოს კედელი მეორე დღეა მონგრეულია. შემთხვევა ორი დღის წინ მოხდა. მის მეზობლად მშენებარე სტადიონიდან "მაზის" მარკის სატვირთო მანქანა დაგორდა და ეზოს კედელი მასთან ერთად, მის გვერდით მცხოვრებსაც დაუზიანა. მანქანა სამშენებლო ნარჩენებით იყო დატვირთული. შემთხვევის შედეგად არავინ დაშავებულა.
"აქ ბავშვები სულ თამაშობენ, კიდევ კარგი იმ მომენტში არავინ იყო", - ამბობენ ადგილობრივები.
რაბათში სტადიონს შპს "მშენებელი 2004" აშენებს. როგორც მისი დირექტორი ამირან ბალახაშვილი ამბობს, მანქანა ტექნიკურად გამართული იყო: "მოულოდნელად სამუხრუჭე "ბაჩოკი" გასკდა. კიდევ კარგი არავინ დაშავდა, მძღოლიც გადაგვირჩა".
