კრისტინა აგილერას კონცერტს მგლები ემუქრებიან - მონადირეებმა Black Sea Arena-სთან მტაცებლების ბუნაგი აღმოაჩინეს

პოპულარული ამერიკელი მომღერლის, მსოფლიო ვარსკვლავის, კრისტინა აგილერას კონცერტს, რომელიც დღეს შეკვეთილის (შავიზღვისპირა კურორტი) Black Sea Arena-ზე უნდა გაიმართოს, მგლები ემუქრებიან - ადგილობრივმა მონადირეებმა, Black Sea Arena-სთან რამდენიმე დღის წინ მტაცებლების ბუნაგი აღმოაჩინეს. ინფორმაციას "გურიის მოამბე" ავრცელებს.

როგორც "გურიის მოამბეს" ადგილობრივმა მონადირემ, რომელიც უშუალოდ მონაწილეობდა ამ ოპერაციაში, განუცხადა, Black Sea Arena-დან 50 მეტრში, მგლების ბუნაგი აღმოაჩინეს, ორი მგელი ლიკვიდირებულია, 7 ბოკვერი კი მონადირეებმა ცოცხლად აიყვანეს.

მონადირეები აღნიშნულ ტერიტორიაზე გარემოსა და ბუნებრივი რესურსების დაცვის სამინისტროს ლიცენზიის ფარგლებში მოქმედებენ.

იხილეთ ვრცლად

"გურიის მოამბე"