"მინდა ამ ჭიქით ყველა ჭეშმარიტ ქართველ გეის გაუმარჯოს, თამაზის თამადობით" - როგორი იქნება ქართველი თამადა "გადატრეინინგების" შემდეგ
ჟურნალისტი ვიკა ბუკია "ფეისბუქის" პირად გვერდზე სახალისო პოსტს აქვეყნებს და საინტერესო იდეით გამოდის:
"იდეა: იქნებ ცნობიერების ამაღლება სადღერგძელოებით უნდა მოხდეს. თამადების გადატრეინინგებაა საჭირო. მაგალითად, სადღერგძელოებს რომ იტყვიან - მანდილოსნებისას კი არ იტყვიან, არამედ გენდერული თანასწორობის; ბავშვების კი არა - ბავშვთა უფლებების; სამშობლოსი კი არა - ნატოში გაწევრიანების... მთელი სუფრა გაიგებს ამ თემებზე. სემინარებზე არ დადის ეს ხალხი და ასე ისწავლიან.
მაგარი იქნება. "აბა, მეგობრებო, ბულინგის წინააღმდეგ შევსვათ"; "აბა, ქალებს პოლიტიკაში გაუმარჯოს"; "ამ ჭიქით მინდა იმ ოჯახებისა ვთქვათ, ვინც სქესის სელექციაზე თქვა უარი"; "ვინც არჩევნებზე დადის"; "გაუმარჯოს შშმ პირებზე ადაპტირებულ გარემოს" და ა.შ.
ისე მომწონს ეს იდეა. ალავერდი ჯუმბერისთან. და უცებ ჯუმბერი: ამ ჭიქით კვოტების სადღერგძელო მინდა ვთქვა. მერე ჩხუბი ატყდება. მაგრამ არა უშავს, კვოტებზე ჩხუბი არ ჯობია და არა იმის გამო, რომ ვიღაც ჯემალას ცოლს გამოეცკვა;
ამ ჭიქით ოჯახს დავლოცავ, მეგობრებო. როგორც ორი ან სამი ან ოთხი მოსიყვარულე ადამიანის ერთობას. ქალები იქნებიან თუ კაცები, რა მნიშვნელობა აქვს, როცა სიყვარულია! აბა ავწიეთ, მეგობრებო!
ჩვენი თამადის მოადგილე გეია. მინდა ამ ჭიქით ყველა ჭეშმარიტ ქართველ გეის გაუმარჯოს თამაზის თამადობით. აბა, ტუში".
იხილეთ ასევე: 10 ტრადიცია საქართველოში, რომელიც შესაცვლელია და დასავიწყებელი