10-შვილიანი ქურასბედიანების იდილია ოჯახსა და ბიზნესში
მრავალშვილიანი ოჯახების რიცხვი საქართველოში არც ისე დიდია. სამწუხაროდ, ჟურნალისტების ყურადღების ცენტრში ისინი, ხშირ შემთხვევაში, მძიმე სოციალური ყოფის გამო ექცევიან. თუმცა, დღეს გვინდა გაგაცნოთ ადამიანები, რომლებიც ამ და ბევრ სხვა სტერეოტიპს, თავიანთი მაგალითით ამსხვრევენ.
როცა ქურასბედიანების ათშვილიან ოჯახზე იწყებ წერას, რთული გადასაწყვეტია, მათ საინტერესო ოჯახზე გააკეთო აქცენტი თუ არანაკლებ მნიშვნელოვან, მათ წარმატებულ ოჯახურ ბიზნესზე. ფაქტია, ამ ადამიანებს სხვებისგან ბევრი რამ გამოარჩევთ.
დედა - 43 წლის მარიამ ჯიბუტი, გურული ქალია. უფროსი შვილი ამბობს, რომ არა ის, მათი გაძლება ნებისმიერ სხვას ძალიან გაუჭირდებოდა.
მამა - ზვიად ქურასბედიანი, ოჯახში ძირითადი გამწევი ძალაა. შვილებს მისი განსაკუთრბული რიდი აქვთ. ზვიადიც 43 წლისაა.
რესტორანი "ბარბარესთან" შვილების აღზრდასთან ერთად, მრავალშვილიანი ოჯახის მთავარი საზრუნავია. იდეა, რომელიც სულ რამდენიმე თვის წინ განხორციელდა, ზვიადს და მის უფროს შვილებს ეკუთვნის. მათ მოახერხეს და რეალობად აქციეს მრავალწლიანი ოცნება.
დღეს ისინი თავიანთი ბიზნეს-ისტორიით სხვებისთვის მისაბაძ მაგალითად იქცნენ. ქურასბედიანები ფიქრობენ, რომ წარმატება გადამდებია. ამიტომ, "თიბისი" ბანკის ახალ პროექტში დიდი ენთუზიაზმით ჩაერთნენ. თიბისი ბანკის ბიზნესდაჯილდოება, რომელშიც ახალგაზრდა ბიზნესმენები რეგისტრირდებიან, ნოემბერში გამოავლენს გამარჯვებულს სხვადასხვა ნომინაციაში. ბიზნესდაჯილდოვების მთავარი გზავნილი სწორედ ეს არის - #წარმატებაგადამდებია და #გააზიარეწარმატება.
მრავალშვილიან ოჯახში დილა განსაკუთრებულად ხმაურიანი და დატვირთულია. აქ ყველას თავისი რეჟიმი აქვს. უსაქმოდ მხოლოდ ერთი წლის ლაზარეა, ოჯახის ნაბოლარა. მშობლებისა და ორი უფროსი შვილის სამუშაო დღე ძალიან ადრე იწყება და გვიან ღამემდე გრძელდება. 23 წლის თორნიკეს მარანი აქვს ჩაბარებული. საუკეთესო ღვინის შერჩევა მისი პრეროგატივაა. 21 წლის ანდრია ოჯახურ რესტორანში მომსახურების ხარისხსზეა პასუხისმგებელი. ზვიადი საქართველოს სხვადასხვა კუთხიდან ჩამოტანილი პროდუქტებით ამარაგებს რესტორანს, მენეჯერობა კი მარიამს აქვს ნაკისრი.
ამ ადამიანების დაუღალავი შრომით მომხმარებელს "ბარბარესთან" მრავალფეროვანი და ჯერ არგასინჯული ქართული კერძები, გამორჩეული ინტერიერი, გემოვნებით შერჩეული მუსიკა და მაღალი ხარისხის მომსახურება ხვდება.
რესტორანი ქართულ ბაზარზე სიახლეა. ის მეცხრამეტე საუკუნეში მოღვაწე ცნობილი ქართველი კულინარი ქალის - ბარბარე ჯორჯაძის სახელთანაა დაკავშირებული. აქ ყველა კერძი ბარბარე ჯორჯაძის რეცეპტით მზადდება.
"სრული სამზარეულო" - მასში ცნობილი კულინარის მიერ შექმნილი 800-ზე მეტი ქართული და ევროპული კერძია შესული. 1914 წელს გამოცემული ეს წიგნი ქურასბედიანების ოჯახმა, შემთხვევით, მშრალ ხიდზე აღმოაჩინა. 807 რეცეპტიდან რესტორანში ამჟამად 51-ს ამზადებენ. როგორც თორნიკე ქურასბედიანი ამბობს, მომხმარებელს განახლებულ მენიუს მინიმუმ მომავალი 5 წლის მანძილზე შესთავაზებენ.
ოჯახს სარესტორნო ბიზნესი 12 წლის მანძილზე ჰქონდა. თუმცა, როგორც თავად ამბობენ ძველი კონცეფცია განახლებას საჭიროებდა. "ბარბარესთან" სტუმრების რიცხვი მუდმივად იზრდება. რესტორნის მმართველებმა გაფართოება გადაწყვიტეს. შესაბამისი სამუშაოები უკვე დაწყებულია.
რესტორნის სტუმრებს განსაკუთრებით ნატურალური კერძები და ყველასგან გამორჩეული გემო ხიბლავთ. სამზარეულოში კერძის თითქმის ყველა ინგრედიენტი სოფლიდან ჩამოდის. სიმინდზე გაზრდილი ქათმის, ფოკის მდინარის კალმახისა თუ ერბოს უგემრიელეს კერძებს, გამოცდილი შეფ-მზარეულები ბარბარე ჯორჯაძის რეცეპტით ამზადებენ.
რესტორნის მმართველი ათშვილიანი ოჯახი, ყველაფერს აკეთებს იმისთვის, რომ მათთან მისულ მომხმარებელს თავი სამუდამოდ დაამახსოვრონ. თავიანთი მაგალითით კი ცდილობენ, ადამიანებს სტიმული მისცენ. ოჯახის ყველა წევრი თანხმდება იმაზე, რომ მრავალშვილიანობა მეტი სიხარულის, განსაკუთრებული გრძნობების და დიდი სიყვარულის მთავარი წყაროა. მარიამი და ზვიადი სრული იდილიის შექმნას ოჯახსა თუ ბიზნესში ერთნაირი წარმატებით ახერხებენ.
ქრისტინე გამთენაძე
AMBEBI.GE
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
