მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქელეხშიც იყო, ჭიშკართან იდგა სამძიმარზე..." - რას ყვებიან ფონიჭალაში მოკლული დედა-შვილის ახლობლები ბრალდებულზე
08:28 / 27-07-2016
"ზემო ფონიჭალაში მოკლული ნონა რომანაძისა და მისი მცირეწლოვანი შვილის მკვლელობაში ბრალდებული გარდაცვლილების სამძიმარსა და ქელეხში იყო მისული" - ამის შესახებ მოკლულის ოჯახის წევრები AMBEBI.GE-სთან საუბარში ყვებიან.
როგორც გარდაცვლილის დამ ხათუნა თხილაიშვილმა AMBEBI.GE-სთან განაცხადა, ბრალდებული ნონა რომანიძის მეუღლესთან, ოთარ მამფორიასთან და მის ძმასთან მეგობრობდა და ოჯახშიც ხშირად მიდიოდა.
"ნონა უმამოდ გაიზარდა. 15 წლის განმავლობაში ის ჩემთან თბილისში ცხოვრობდა. მე ინფორმაცია მაქვს რომ ბრალდებული ოთარის, მისი ძმის და ბიჭების მეგობარი იყო. ბრალდებული გიორგი ამ უბანში ქირით ცხოვრობდა და შემდეგ სხვაგან გადავიდა საცხოვრებლად. ყველაზე ამაზრზენი კი ის არის, რომ გიორგი ქელეხშიც კი იყო მისული, ჭიშკართან იდგა სამძიმარზე. ამ საზარელი ფაქტის შემდეგ გიორგი ხშირად მოდიოდა ოჯახში და ოთარის ეუბნებოდა - გვერდში დაგიდგები, რომ გავიგოთ მკვლელი ვინ იყოო", - ამბობს ხათუნა თხილაიშვილი.
ნონა რომანიძის ოჯახის წევრები ყვებიან, რომ ბრალდებულმა ოჯახის ფინანსური მდგომარეობის შესახებ კარგად იცოდა, რაზეც გამოძიებისთვის მიცემულ ჩვენებაშიც ისაუბრა. AMBEBI.GE-სთან საუბრისას ნონა რომანიძის რძალი ნატო ჯიქიძე ბრალდებულის დაკავების დეტალებს ყვება და ვარაუდებს გამოთქვამს, თუ რა მიზანი ამოძრავებდა მკვლელს:
"გუშინ გავიგეთ რომ შსს-მ დააკავა მკვლელი. გზაში აუყვანიათ. მიზეზს რაც შეეხება, როგორც ჩვენება აქვს მიცემული, მკვლელობა ფულის გამო ჩაიდინა. ის გასაქურდად შევიდა სახლში, თუმცა ფული ვერ იპოვა და მხოლოდ 30 ლარი წაუღია ოჯახიდან. როგორც თვითონ ყვება, ორჯერ მუშტი ჩაურტყამს თავში და როდესაც ნონა რომანიძე ვერ გათიშა, შემდეგ ვაზა ჩაურტყამს თავში" - აღნიშნავს ნატო ჯიქიძე.
შინაგან საქმეთა სამინისტრომ 2016 წლის 22 თებერვალს მომხდარი დედა-შვილის მკვლელობის ფაქტი გახსნა. დაკავებულია წარსულში ქურდობის, ყაღაჩობისა და განზრახ მკვლელობის მცდელობისთვის ნასამართლევი, 1989 წელს დაბადებული მოქალაქე გიორგი ხ.
ჯონი პატარკაციშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
