მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მოქმედებს თუ არა "დამსჯელი" პლანეტა მსოფლიოში მიმდინარე მოვლენებზე და რაზე გვაფრთხილებენ ასტროლოგები
03:16 / 18-07-2016
ბოლო კვირები მსოფლიოს სხვადასხვა ქალაქში ტერაქტები მძვინვარებს, ავიაკატასტროფები და უამრავი ნეგატიური ფაქტი თითქმის ყოველდღე ხდება... მიმდინარე თვე განსაკუთრებულად დაიტვირთა უსიამოვნო ამბებით: ტერაქტი ნიცაში, სამხედრო გადატრიალების მცდელობა თურქეთში, არეულობა ერევანში.
საინტერესოა, როგორ და რით ხსნიან ამ ფაქტებს ასტროლოგები და ზოგადად, მოქმედებს თუ არა მსოფლიოში მიმდინარე ნეგატიურ ამბებზე ასტროლოგიური პროცესები. ამ თემაზე ვესაუბრეთ ასტროლოგ სოფია ბზეკალავას.
- განსაზღვრა თუ არა თითოეული ნეგატიური ფაქტი ასტროლოგიურმა ვითარებამ? დააჩქარა და გააღვიძა თუ არა ნეგატიური ენერგია? დავიწყოთ იქიდან, რომ ჯერ კიდევ შარშანდელი წლიდან მოყოლებული, ბევრი ასტროლოგი აღნიშნავდა იმ ფაქტს, რომ პლანეტარული ცვლილებების გამო მსოფლიო წესრიგი მნიშვნელოვნად იცვლებოდა. რომ დღის წესრიგში წინ წამოიწევდა, ბევრი ქვეყნისთვის სახელმწიფო საზღვრებთან დაკავშირებული საკითხი. იყო იმის მოლოდინი, რომ არაერთი ქვეყანა, მიმდინარე მოვლენებიდან გამომდინარე, საკუთარ სასაზღვრო პოლიტიკას გაამკაცრებდა. როგორც ვხედავ, რეალურად თვალნათელია ეს მოვლენები. ამის მიზეზი კი პლანეტა სატურნის მშვილდოსნის ზოდიაქოს ნიშანში მოძრაობა გახლავთ. სატურნი თავისი არსით ე.წ. "დამსჯელ" პლანეტათა რიცხვში შედის, მას მოაქვს შეზღუდვები და წინააღმდეგობები. მშვილდოსნის ზოდიაქო კი საერთაშორისო პოლიტიკის და საზღვრების თემას ააქტიურებს. უახლოესი პერიოდის მანძილზე ეს საკითხები კიდევ უფრო გააქტიურდება და შეიძლება ითქვას, წინ წამოიწევს როგორც კლიმატურად, ისე მოვლენების მხრივაც "ცხელი" ზაფხული გველოდება.
- თითოეულზე ფაქტზე, მაგალითად ნიცის, თურქეთის, ერევნის შესახებ თუ შეგიძლიათ უფრო კონკრეტულად რაიმეს თქმა?
- თითოეული ტერაქტის დღეს ცაზე საკმაოდ ნეგატიური ასპექტები იყო, რომელშიც მთვარე (ხალხი, ხალხის მასა) მონაწილეობდა. წინ კიდევ გველის რამდენიმე სახიფათო თარიღი, რომლის გათვალისწინებაც ყველასთვის იქნებოდა გონივრული და მიზანშეწონილი სიფრთხილის თვალსაზრისით.
- არსებული ასტროსიტუაციისა, თუ სურათის გათვალისწინებით, რას უნდა მიექცეს ყურადღება და არის თუ არა საქართველოში რაიმე მსგავსი მოსალოდნელი?
- პლანეტარული კონფიგურაციების მიხედვით, როგორც უკვე აღვნიშნე, საკმაოდ რთული კომბინაციები ჯერ კიდევ წინ გვაქვს. 31 ივლისს დაფიქსირდება არასახარბიელო პლანეტარული ბმა, ხოლო აგვისტოს 15-16-ში უკვე ნახსენები "დამსჯელი" პლანეტა სატურნი (აგრესიული პლანეტა) მარსთან შექმნის კოალიციას, - ამგვარ შეერთებას ასტროლოგები ხშირად "ომების ასპექტსაც" უწოდებენ. თუმცა ეს იმას არ ნიშნავს, რომ აუცილებელია, საომარი ქმედებები დაიწყოს. უბრალოდ, მათი ალბათობა საკმაოდ დიდი იქნება ზუსტად ამ მოცემულ თარიღებს შორის. რაც შეეეხება საქართველოს, ჩვენს ქვეყანაში ნაკლებად იქნება მოსალოდნელი რაიმე ტიპის გლობალური გართულება.
- და როგორ უნდა მოიქცეს ადამიანი, ადამიანთა ჯგუფი, რომ მსგავს უბედურებას ასცდეს?
- სასურველია, ზაფხულის პერიოდში თავი შევიკავოთ ხანგრძლივი და შორ დისტანციაზე მგზავრობისგან. გამოვიჩინოთ სიფრთხილე და მოვერიდოთ იმ ქვეყნებს, რომლებიც ე.წ "ცხელი წერტილების" სიაში შედის. წინდახედულება ყოველთვის სასარგებლოა.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
