მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ ვინმეს ჰგონია, ბიძინა იდგა და ითვლიდა, ვიღაც ლევანი რამდენს ხარჯავდა "ქერჩში", ცდება" - რატომ მუშაობს წარმატებული რეჟისორი ამერიკაში მუშად
08:17 / 17-07-2016
გახმაურებული ქართული სერიალების "ტიფლისის" და "ქერჩის" რეჟისორმა ლევან დაბრუნდაშვილმა, რამდენიმე დღის წინ, სოციალურ ქსელში ვიდეო გამოაქვეყნა, სადაც ასახულია, როგორ მუშაობს ის ამერიკაში მშენებლობაზე მუშად.
დაბრუნდაშვილმა ვიდეოს ასეთი წარწერა დაურთო: "ვისაც ჯერა, რომ GDS-დან 4 000 000 მოვიპარე ან ერთი ლარი მაინც 4 წლის განმავლობაში, მე მათ გადავცემ აი ამ "მალატოკს" ხშირი გამოყენებისთვის, თან ამერიკული წარმოებისაა...". დაბრუნდაშვილის მიერ გამოქვეყნებულ ვიდეოს, დიდი გამოხმაურება მოჰყვა. AMBEBI.GE რეჯისორს ამერიკაში დაუკავშირდა.
- ლევან, რატომ დატოვეთ წარმატებული კარიერა საქართველოში და რატომ წახვედით მშენებლობაზე სამუშაოდ ამერიკაში?
- არაფერი დამიტოვებია საქართველოში, შვილის, მეგობრების და ორი პროექტის გარდა, რადგან სხვა არაფერი გამაჩნია. ჩემი ოცნება იყო, როგორც რეჟისორს ისეთ ქვეყანაში ამეწყო კარიერა, სადაც ამის დიდი საშუალებაა. გული მწყდება, საქართველოში ბევრ სფეროს სათანადოდ რომ არ ექცევა ყურადღება. ჩემი ვიდეო მწარე იუმორში გატარებული პოსტი იყო. იმისთვის არ დამიდია რომ ვინმეს შევეცოდო, თვის ბოლომდე ძალიან კარგი ქართული ფილმის ტრეილერს შემოგთავაზებთ. ახლა ფულს ვაგროვებ თრეილერისთვის. პოსტს ბევრი გამოხმაურება მოჰყვა, ბიძინა ივანიშვილის სახელმაც გაიჟღერა, რასაც არ დავეთანხმები. მადლობელი ვარ ამ ადამიანის, მან მომცა საშუალება ისეთი პროექტები განმეხორციელებინა როგორიც იყო "ტიფლისი" და "ქერჩი". გული დამწყდა, ეს პროექტები რომ დაიხურა, მაგრამ ეს იმას არ ნიშნავს რომ ივანიშვილზე ვთქვა ცუდი.
- "ჯი დი ესიდან" წასვლის მიზეზი ამ პროექტების დახურვა გახდა?
- მე "ჯი დი ესიდან" არავის გავუშვივარ, თვითონ დავწერე განცხადება. პროექტები დაიხურა და ის ადამიანები, ვისთან ერთადაც ვმოღვაწეობდი ამ სფეროში, გაუშვეს ტელევიზიიდან. მე არავიზე ნაწყენი არ ვარ, უბრალოდ ტელევიზიამ პროფილი შეიცვალა. ამერიკაში წამოსვლის წინ დავწერე სამსახურიდან წასვლის შესახებ განცხადება, საკმაოდ დიდ ასაკში მომიწია ცხოვრების ნოლიდან დაწყება, მაგრამ ყველაფერს გავაკეთებ რომ ჩემი საყვარელი საქმე ვაკეთო ჩემი ქვეყნისთვის.
- ამბობენ, რომ თქვენ მსახიობებს ბევრად ნაკლებ თანხას უხდიდით, ვიდრე ბერა ივანიშვილს ჰქონდა გამოწერილი მათთვის?
- ეს ტყუილია. ნებისმიერ ადამიანს შეუძლია გადაამოწმოს "ჯი დი ეს"-ის სამუშაო სტრუქტურა. ბერას ხელფასი არავისთვის გამოუწერია. როცა დირექტორი ვიყავი ჩემი პრეროგატივა იყო ხელფასების გამოწერა, შემდეგ შეიცვალა ხელმძღვანელობა. "ჯი დი ეს"-ში ფული არ მინახავს, ხელფასი ყველას ბარათზე ერიცხება, კონტრაქტები არსებობს და ყველას შეუძლია ამის ნახვა. ბევრი ორგანოა ამის გასარკვევად. საშინელება ის არის, რომ ადამიანი პატიოსნად და გულწრფელად აკეთებ რაღაცას და ასეთ ჭორს გივრცელებენ. ქართველებს გვიყვარს ერთმანეთის სიტყვით მოკვლა, ეს სასაცილოა, მაგრამ ასევე სატირალია. ხალხი ქუჩაში მეუბნებოდა გარეთ ხარ? დაკითხვაზე რა მოხდაო? მე ისე გამზარდეს მშობლებმა, არასდროს არაფერი მომიპარავს.
- ცნობილია, რომ თქვენ და ბერა ივანიშვილი მეგობრობდით, ისევ მეგობრობთ?
- სიმართლე გითხრა ახლო ურთიერთობა არ გვაქვს, მაგრამ მეგობრად დარჩება.
- კომენტარებში წერთ მთავარია არავის მონად უნდა დარჩეო, რა იგულისხმეთ ამ ფრაზაში?
- ემიგრაციაში მყოფს გიწევს მონობაში მუშაობა. მაგ ფრაზაში ის ვიგულისხმე, მთავარია შენ არ იგრძნო თავი მონად. მონობას რაც შეეხება, იმ ახალგაზრდების ანაზღაურება ვინც ჩემს სფეროშია დასაქმებული ნამდვილად მონური შემოსავალია. ავიღოთ ელემენტარულად გამნათებელი, რომელსაც 12 საათში მინიმუმ 800 კილო გადააქვს, ამ ყველაფერში ყოველდღიურად მას 80-100 ლარს უხდიან. რაც შეეხება მსახიობების ჰონორარებს, 200 ლარად რომ 70 წლის ქალბატონს დაუძახებ გადასაღებ მოედანზე, დიდი სირცხვილია. თუ გლობალურად შევაფასებთ, როგორც მუშას რა შემოსავალიც მაქვს ორ დღეში, საქართველოში ნებისმიერ პედაგოგზე მაღალი ხელფასია.
- თქვენც მიზერული ანაზღაურება გქონდათ საქართველოში?
- საქართველოში კარგ თანხას მიხდიდნენ გაწეულ სამუშაოში. ბედნიერი ვიქნებოდი, მე რა შემოსავალიც მქონდა "ჯი დი ეს"-ზე, იგივე ანაზღაურება თუ ექნება საქართველოში ჩემს სფეროში დასაქმებულ სხვა ადამიანებს. ყველაფერი არ არის ხელფასი. შესაძლოა თვეში რასაც ვიღებდი "ჯი დი ეს"-ზე, ის თანხა ერთ რეკლამაში ამეღო, მაგრამ კმაყოფილი ვიყავი "ჯი დი ეს"-ით. გუნდს არ ჰქონდა მაღალი ხელფასი. ჭორი, რომლის მიხედვით თითქოს კურორტი გვქონდა "ჯი დი ეს"-ზე მოწყობილი, ტყუილია, არ არსებობს გუნდი საქართველოში, რომელმაც იმის გაკეთება შეძლო რაც ჩემმა პროდაქშენმა, თან არავის არაფერი მოუპარია.
- შენს პოსტს უამრავი ადამიანი გამოეხმაურა, მათ შორის ცნობილი ადამიანები ნანუკა ჟორჟოლიანი და ნიკა გვარამიაც. სწორად დასვეს მათ აქცენტები თავიანთ გამოხმაურებაში?
- ვერაფერს გეტყვით, ჟურნალისტები არიან და რაღაც მასალა დაიჭირეს, რაღაცეებში ვეთანხმები, რაღაცეებში არა. პირდაპირ ბიძინას რომ ეცნენ მაგაში არ ვეთანხმები, ვიღაცას უყვარს ბიძინა ივანიშვილი, ვიღაცას არა, ეს მათი მოსაზრებაა. ყველაფერი ბიძინა ვერ იქნება. თუ ვინმეს ჰგონია რომ ბიძინა იდგა და ითვლიდა, ვიღაცა ლევანი რამდენს ხარჯავდა "ქერჩში" ცდება.
- მონად გრძობდით თავს?
- მე არა, რა თქმა უნდა. მაგრამ უამრავი ადამიანი იყო სასაცილო ხელფასზე, როგორც ხდება ნებისმიერ ტელევიზიაში. ნიკა გვარამიას გადავცემ, რომ მის ტელევიზიაშიც მუშაობს ხალხი, ვინც 800 ლარად 24 საათი შრომობს. თუ ჩემს გულისტკივილში იჭერს სიმართლეს, თავის შიდა მენეჯმენტსაც ჩახედოს, კარგი იქნება თუ ჩემს ჯიგრებს ცოტა ხელფასს წაუმატებს.
- ვინ გეხმარებათ ამერიკაში ცხოვრების თავიდან დაწყებაში?
- არავინ არ მეხმარება, აქ ცხოვრობენ ჩემი მეგობრები, როცა ჩამოვედი, ხან სად მეძინა და ხან სად, ასე დაიწყო ჩემი ცხოვრება ნულიდან. ეს ჩვეულებრივია ემიგრაციაში მყოფი ადამიანისთვის. ახლა მაქვს სახურავი, არ მშია და სამსახურიც ისეთი ვიპოვე რომ ვიცხოვრო და ფულიც მოვაგროვო გადაღებისთვის. სათაკილო არაფერია, მეტყევეც ვიყავი საქართველოში. ბევრი ადამიანია აქ, ვინც ასეთ სამსახურშია და მალავს. შრომა დასამალი არ არის. ჩემი გზავნილი იმ ადამიანებს გავუკეთე ვინც უსაქმურობით და სხვაზე ცუდის ლაპარაკით არის დაკავებული. იმიტომაც მიდის ეგრე საქმე მაგ ქვეყანაში.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
