ანსამბლების "ქართული გენის" და "გორდას" წევრების მშობლები შვილების თურქეთიდან უსაფრთხოდ დაბრუნებას ითხოვენ
საგარეო საქმეთა სამინისტროსთან, ქორეორგრაფიული ანსამბლების "ქართული გენის" და "გორდას" წევრების მშობლები შვილების საქართველოში უსაფრთხოდ დაბრუნებას ითხოვენ.
სამინისტროსთან დაახლოებით 15-მდე მშობელია შეკრებილი და ისინი ბულგარეთში გასტროლებზე მყოფი ქორეოგრაფიული ანსამბლების "ქართული გენის" და "გორდას" წევრების მშობლებისა და მასწავლებლების უსაფრთხოდ დაბრუნებას ითხოვენ.
მშობლები აცხადებენ, რომ ბავშვთა ქორეოგრაფიული ანსამბლები ბულგარეთში 10-დღიან გასტროლებზე იმყოფებოდნენ. 15 ივლისს ისინი ბულგარეთიდან ავტობუსით წამოვიდნენ და ამჟამად თურქეთში, სტამბოლიდან 70 კილომეტრის დაშორებით, ქალაქ სილივში იმყოფებიან. როგორც მშობლები აცხადებენ, ბავშვებს ამოეწურათ საკვებისა და წყლის მარაგი, ერთ-ერთ მოზარდს ბულგარეთში მიღებული ფეხის ტრამვის გამო სამედიცინო დახმარება ესაჭიროება, ასევე ორ მოზარდს ნერვიულობის ნიადაგზე ტემპერატურის აწევა აღენიშნება. ავტობუსში 10-დან 12 წლამდე 34 ბავშვი იმყოფება, ასევე მათი მშობლების ნაწილი და პედაგოგები, სულ დაახლოებით 50-მდე ადამიანია.
აქციის მონაწილეები ითხოვენ, თურქეთში საქართველოს საკონსულომ ბავშვებს დროული დახმარება აღმოუჩინოს და მოხდეს მათი უსაფრთხოდ დაბრუნება.
თურქეთში განვითარებული მოვლენების ქრონიკა იხილეთ ტეგზე #სახელმწიფო გადატრიალების მცდელობა თურქეთში
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
