მხატვრები, მოქანდაკეები, ბიზნესის წარმომადგენლები და კერძო კოლექციონერები ნიკა ჩოხელის დასახმარებლად ჟურნალმა OK!-იმ გააერთიანა

მხატვრები, მოქანდაკეები, ბიზნეს სექტორის წარმომადგენლები და კერძო კოლექციონერები საერთო იდეამ - ნიკა ჩოხელის დახმარების სურვილმა გააერთიანა. ჟურნალ OK! -ის მიერ ორგანიზებულ საქველმოქმედო საღამოზე ნიკას დახმარების უამრავმა მსურველმა მოიყარა თავი.

გოდერძი ჩოხელის პირადი კოლექციიდან წარმოდგენილი ხელნაწერები და წიგნები; სხვადასხვა ავტორების ფერწერული ტილოები; კომპოზიციები; ბრინჯაოს ქანდაკებები, გამომცმელობა "პალიტრა L" -ის მიერ გამოცემული გოდერძი ჩოხელის მოთხრობების კრებული; სხვადსხვა სასტუმროების დასასვენებელი პაკეტები - ეს იმ მრავალფეროვანი შეთავაზებების არასრული ჩამონათვალია, რომლების შეძენის საშუალებაც აუქციონზე მისულ სტუმრებს მიეცათ.

როგორც ჟურნალ OK! - ის გამომცემელმა, გიორგი შარაშიძემ AMBEBI.GE - სთან საუბრისას აღნიშნა, უკვე 2 წელი ხდება, რაც ჟურნალი OK! ქართულ მედიასივრცეში გაჩნდა. დღეს კი ჟურნალის გუნდის წინაშე მნიშვნელოვანი გამოწვევები დგას:

"ვფიქრობ, საქართველოში ჟურნალ OK! -ის გამოცემით სერიოზული გარდატეხა შევიტანეთ ქართულ ბეჭდურ მედიაში. დღეს არის მომენტი, როცა გააზრებული გვაქვს, რომ OK! -ის როლი კიდევ უფრო აქტუალური უნდა გახდეს თანამედროვე ქართული ცხოვრების განვითარებაში. OK! -ის აქვს სრულიად ახალი გამოწვევები. დღევანდელი ღონისძიება არის პირველი მაგალითი იმისა, როგორ უყურებს ოლიკო ბაბლუანი და OK! -ის გუნდი ჟურნალის როლს", - განაცხადა გიორგი შარაშიძემ.

პარლამენტის ეროვნულ ბიბლიოთეკაში გამართული აუქციონი აქტიურად და საინტერესოდ წარიმართა. საღამოს მუსიკალურ მხარეზე კომპოზიტორმა დათო ევგენიძემ იზრუნა. აუქციონზე წარმოდგენილი იყო 30-მდე ნივთი, რომლებიც მთლიანად გაიყიდა.

ჟურნალ OK! -ის რედაქციის ინფორმაციით, საქველმოქმედო აუქციონიდან შემოსულმა თანხამ, სულ 5010 ლარი შეადგინა. ქველმოქმედი კომპანიების შემოწირულობებისა და კერძო პირების მიერ გაღებული თანხების ზუსტი ჩამონათვალი კი ასე გამოიყურება:

ტურიზმი და დასვენება

1. "ლოპოტა სპა რეზორტი" - 300 ლარი - ლელა ციხისელი

2. "შატო მერე" - 300 ლარი - ლიკა ევგენიძე

3. სასტუმრო "მარკო პოლო" - 200 ლარი - ნინო ბედელაძე

4. "ვარძია რეზორტი" - 250 ლარი - ნატა გოგოლაძე

ხელოვნება

5. ქეთი მატაბელის კომპოზიცია - 310 ლარი - მაკა გვრიტიშვილი

6. "ზარაფხანას" სუვენირი "სვანეთი" - 150 ლარი - ნინო გოგინაშვილი

7. იური გეგეშიძის ტილო ნიკოლოზ ნათენაძის კოლექციიდან - 230 ლარი - თამარ ტალიაშვილი

8. ბრინჯაოს ქანდაკება - ავტორი ლევან ბუჯიაშვილი - 350 ლარი - ზურაბ გაბინაშვილი

9. ბრინჯაოს ქანდაკება - ავტორი თამარ კვესიტაძე - 250 ლარი - მაია კოკაია

10. ბრინჯაოს ქანდაკება - ავტორი ნინო ჩუბინიშვილი (ჩუბიკა) - 250 ლარი - მაკო ბურდული

ოჯახისთვის

11. ხელით მოხატული ხის დაფა სახელოსნო "ესტიასგან" 100 ლარი - მარი მილორავა

12. დასადგამი სანათი "ახალი ნათებისგან" - 160 ლარი - ნათია ქემაშვილი

13. ჟურნალის მაგიდა "ლაბორატორია ჩემი სახლისგან" - 250 ლარი - ნათია ჯინჯოლავა

14. გოდერძი ჩოხელის მოთხრობების კრებული - 100 ლარი - სალომე ზურაბიშვილი

15. ყველის საწური ბადის ასლი ანა მიქაძისგან - 150 ლარი - გიორგი შარაშიძე

16. ყველის ამოსაყვანი - 50 ლარი - მარიკა დარჩია

17. იშვიათი ჩამოსხმის ღვინო ჩხავერი "ლუკასი ვაინერისგან" - 150 ლარი - ეკა გრიგალავა

18. პროფესიონალური ფოტოსესია "LIG Studio" - 50 ლარი

თავის მოვლის საშუალებები და პარფიუმერია

19. თმის მოვლის საშუალებების კომპლექტი, სალონი-სტუდია KEUNE - 150 ლარი - თეა გოცაძე

20. სუნამო CK2, პარფიუმერულ მაღაზიათა ქსელი "ისი პარი" - 150 ლარი - ნანა ბუხრაშვილი

21. ბრენდ Hyalual-ის Anti-Age თავის მოვლის ნაკრები: სპრეი, სახისა და თვალის ნიღაბი - 100 ლარი - კატერინა ჩიგანოვა

22. მარიკა დარჩიას კოლექციიდან მინიატურა პარიზი - 50 ლარი - ხატია შამუგია

23. მარიკა დარჩიას კოლექციიდან მინიატურა პრაღა - 70 ლარი - ლევან ვაშაკიძე

გოდერძი ჩოხელის ოჯახის პირადი კოლექციიდან

24. ხელნაწერი: - 300 ლარი - ნინო ნიაური

25. ხელნაწერი: - 300 ლარი - ლიკა მერაბიშვილი

26. წიგნი გოდერძი ჩოხელის ავტოგრაფით - 350 ლარი - მაია კოკაია (წიგნი დაუბრუნა ოჯახს)

რედაქციის ინფორმაციით, საქველმოქმედო საღამოდან შემოსული თანხა მთლიანად ნიკა ჩოხელის დასახმარებლად შესაბამის ანგარიშზე გადაირიცხება.

ჟურნალ OK! - ის მთავარი რედაქტორის, ოლიკო ბაბლუანის თქმით, ნიკა ჩოხელის დასახმარებლად გამართული ღონისძიების მსგავსი საღამოები მომავალშიც გაიმართება:

"გადავწყვიტეთ გავეკეთებინა საქველმოქმედო საღამო. ძალიან ბევრი ადამიანია საქართველოში, ვისაც არ აქვს მკურნალობის საშუალება. დღეს ნიკა ჩოხელს ვეხმარებით, შემდეგი სხვა ადამიანები იქნებიან, ვისაც ჩვენ ამ ფორმით დავეხმარებით", - განაცხადა ოლიკო ბაბლუანმა AMBEBI.GE - სთან საუბრისას.

როგორც ჟურნალ OK! -ის რედაქციაში აცხადებენ, მსოფლიოს ყველაზე გავლენიანი ვარსკვლავური ჟურნალის ქართული გამოცემის პირველი ნომერი 2014 წლის 1 აგვისტოს გამოვიდა და ჟურნალ OK!-ს მრავალმილიონიან აუდიტორიას ბრიტანეთის, ამერიკის, ევროპისა და აზიის 20 ქვეყნის შემდეგ, ქართველი მკითხველიც შეუერთდა.

"ქართული OK! საქართველოში ყველაზე გაყიდვადი პრემიუმ-კლასის ჟურნალია.

მოდა, პარფიუმერია, საოჯახო ტექნიკა, კულინარია, მოგზაურობა და ყველა ის ინდუსტრია, რაც თანამედროვე ადამიანის კომფორტულ ცხოვრებას უკავშირდება, ჟურნალ OK!-ს სავალდებულო სარეკლამო პლატფორმად მიიჩნევს, რადგან იციან, რომ მათი არსებული თუ პოტენციური კლიენტები OK!-ს მკითხველები არიან", - აცხადებენ ჟურნალის რედაქციაში.

თამარ კორკოტაშვილი

Ambebi.ge