რა ხდება ამ წუთებში თურქეთში - ტრაგიკული ღამის ქრონიკა

თურქეთში დაღუპულთა რაოდენობამ 60-ს მიაღწია, - ამის შესახებ "ბიბისის" ცნობით, ქვეყნის პრეზიდენტის ადმინისტრაცია იტყობინება.

გავრცელებული ცნობით, მათი უმრავლესობა სამოქალაქო პირები არიან. ოფიციალური ინფორმაციით, მთელი ღამის განმავლობაში დააკავეს 336 ადამიანი. როგორც პრემიერ-მინისტრი ბინალი ილდირიმი აცხადებს, ამ დროისთვის ვითარება მეტწილად კონტროლს ექვემდებარება.

მან ასევე ბრძანება გასცა ჩამოაგდონ ის სამხედრო ლაინერი, რომელსაც აჯანყებულები იყენებენ. გარდა ამისა, ამ დრომდე უცნობია გენერალური შტაბის ხელმძღვანელის ადგილსამყოფელი.

ვრცელდება ინფორმაცია, რომ იგი ამბოხებულმა სამხედროებმა მძევლად აიყვანეს.

ჯერ უცნობია ვინ ხელმძღვანელობს აჯანყებულ სამხედროებს და რამდენად დიდი მხარდაჭერა აქვს გადატრიალების მცდელობის ორგანიზატორს.

რაც შეეხება ქალაქებში არსებულ ვითარებას, "ბიბისი" იტყობინება, რომ სროლის ხმა მთავარ ქალაქებში პერიოდულად ისმის. იხილეთ ფოტოები

შეგახსენებთ, რომ თურქეთში შეიარაღებული გადარიალება გუშინ გვიან ღამით დაიწყო. შირაღებული ძალების ნაწილმა განცხადა, რომ მართველობაზე კონტროლის დამყარებას გეგმავდა, რის შემდეგაც ქვეყანაში კომენდანტის საათი გამოაცხადა. სტამბოლისა და ანკარას ქუჩებში ტანკები და სხვა მძიმე შეიარაღება გამოჩნა, საჰაერო სივრცეს ამბოხებულები თვითმფრინავების მეშვეობით აკონტროლებდნენ. მოგვიანებით, მათ ქვეყნის საკანონმდებლო ორგანოზე საჰაერო თავდასხმა განახორციელეს. ქვეყნის პრეზიდენტმა რეჯეპ ტაიპ ერდოღანმა ტელემიმართვა გაავრცელა, შემდეგ კი საკუთარ მხრდამჭერებს შეხვდა და მოსახლეობას ქალაქის ქუჩებში დარჩენა სთხოვა იქამდე, სანამ ვითარბა არ დასტაბილიზირდებოდა. სამხადრო გადატრიალების მცდელობას 60 ადამიანის სიცოცხლე ემსხვერპლა, მათ შორის 17 სამართალდამცველი იყო

თურქეთში განვითარებული მოვლენების ქრონიკა იხილეთ ტეგზე #სახელმწიფო გადატრიალების მცდელობა თურქეთში

ასევე ნახეთ: საქართველო თურქეთთან საზღვარს ჩაკეტავს - კვირიკაშვილის საგანგებო განცხადება

თურქეთში ვითარება დაიძაბა - ტაქსიმის მოედანზე შეტაკებებია, პარლამენტი ალყაშია