მნიშვნელოვანი ინფორმაცია
11
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეკა სირაძე-დელონე - ვაგრძელებთ ინფორმაციის მოძიებას, არიან თუ არა საქართველოს მოქალაქეები ნიცაში დაშავებულთა და დაღუპულთა შორის
02:58 / 15-07-2016
საფრანგეთში საქართველოს საელჩოში ნიცაში მომხდარ ტერაქტთან დაკავშირებით ამოქმედებულ ცხელ ხაზზე საქართველოს მოქალაქეებს ჯერჯერობით არ მიუმართავთ.
როგორც საფრანგეთში საქართველოს ელჩმა ეკა სირაძე-დელონემ "ინტერპრესნიუსს" განუცხადა, საელჩოს აქვს ინტენსიური კონტაქტი ადგილობრივ სამართალდამცავებთან და ჯერჯერობით დაღუპულთა და დაშავებულთა შორის საქართველოს მოქალაქეების ყოფნა არ დასტურდება.
"ჩვენ გვქონდა კომუნიკაცია, როგორც ადგილობრივი, ისე ეროვნული პოლიციის, ასევე პარიზის პოლიციის დონეზე. არც იქ დასტურდება საქართველოს მოქალაქეების დაღუპულთა და დაშავებულთა შორის ყოფნა. მიუხედავად ამისა, ეს მაინც არაფერს ნიშნავს ამ ეტაპზე, რადგან ბევრი ადამიანი ჯერ კიდევ არ არის ამოცნობილი. ჩვენ ვაგრძლებეთ გამოკითხვას, ინფორმაციის მოძიებას არიან თუ არა ქართველები დაშავებულთა და დაღუპულთა შორის", - განაცხადა ელჩმა.
ნიცაში მომხდარი ტერორისტული აქტის გამო საფრანგეთში საქართველოს საელჩო საქართველოს მოქალაქეებისთვის ცხელი ხაზის ნომერს აქვეყნებს. საფრანგეთში მყოფ საქართველოს მოქალაქეებს შეუძლიათ დარეკონ ნომერზე +337833186 89.
გუშინ ადგილობრივი დროით 23:00-ზე ნიცაში, სადაც მოსახლეობა ეროვნულ დღესასწაულს, ბასტილიის აღების დღეს აღნიშნავდა, ხალხში უზარმაზარი სატვირთო ავტომობილი შევარდა.
თვითმხილველების ცნობით, მძღოლი განგებ ატარებდა მანქანას ისე, რომ რაც შეიძლება მეტი ადამიანი გადაესრისა.
ტერორისტმა დაახლოებით 2 კილომეტრის გზა გაიარა, რის შემდეგაც სატვირთო მანქანა გააჩერა და იქ მყოფ ადამიანებს ცეცხლი გაუხსნა.
ადგილზე მისულმა სამართალდამცველებმა თავდასხმელის ლიკვიდაცია მოახდინეს.
სატვირთო მანქანაში დიდი ოდენობით საბრძოლო მასალა და იარაღი აღმოაჩინეს.
პასუხისმგებლობა თავდასხმისთვის ჯერჯერობით არც ერთ დაჯგუფებას არ აუღია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
