მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გურამ როგავამ ტელეკომპანია "იმედი" დატოვა
05:52 / 13-07-2016
ჟურნალისტმა გურამ როგავამ ტელეკომაპნია "იმედი" დატოვა. ამის შესახებ ფეისბუქის პირად გვერდზე დაწერა.
"გადაუჭარბებლად ვამბობ, 13 ივლისი იყო ერთ-ერთი ყველაზე რთული დღე ჩემს პროფესიულ საქმიანობაში.
დავტოვე სამსახური, რომელიც მშობლიური სახლივით შემიყვარდა, დავტოვე ადამიანები, ვინც ჩემი ახალი ოჯახის წევრებად იქცნენ.
თითქმის 4 წელი ვიყავი "იმედში" და ამ ტელევიზიაში გატარებული ყოველი დღე მეამაყება, დღევანდელის ჩათვლით. ამაყი ვარ, რომ ამ 4 წლის განმავლობაში ღირსეული ადამიანების გარემოცვაში ვმუშაობდი, ვცხოვრობდი.
დღეს ნივთებს რომ ვალაგებდი, მივხვდი, უჯრასთან ერთად მეც ვცარიელდებოდი, მაგრამ ზოგჯერ ალბათ საჭიროა ასეთი დაცარიელება, ან ძველი ნივთების ახალ უჯრაში გადალაგება. რატომღაც ჩავთვალე, რომ ახლა ახალი გამოწვევების დროა.
რაღაც ეტაპზე ყველას გვჭირდება ცვლილება, ახლის გამოცდა. ხშირად ამ გადაწყვეტილებას იმპულსურად ვიღებთ, ზოგჯერ დიდი ფიქრის შემდეგ, მაგრამ ფაქტია, მუდმივად განსხვავებულის ძიებაში ვართ, მიღწეულით არასდროს ვკმაყოფილდებით. ჰოდა, ახლა ჩემთანაც დადგა ეს პერიოდი, როცა ახლიდან უნდა ვცადო "რუბიკის კუბიკის" აწყობა.
"იმედმა" შემძინა ყველაზე ძვირფასი რამ, ღირსეული ადამიანები. ჩვენ, ერთად ბევრი სირთულე გამოვიარეთ, მაგრამ უსამართლობას არასდროს შევგუებივართ. "იმედის" ნიუსრუმში ბევრი პროფესიონალი და პრინციპული ჟურნალისტი მუშაობს. ეს განსხვავებული შეხედულებების მქონე ადამიანების ერთობაა, მათი მთავარი ღირებულება კი თავისუფლებაა და ამიტომაც გამორჩეულად მიყვარს "ქრონიკა".
ჩემს ცხოვრებაში იყო პერიოდი, როცა ჟურნალისტიკაში დარჩენა კიარა, საერთოდ ცხოვრების გაგრძელებაც კი არ მინდოდა, მაგრამ ამ ადამიანებმა გამომიყვანეს ბნელი ოთახიდან, მითხრეს რომ შემეძლო მათ დავყრდნობოდი, როცა ფეხზე დგომა მიჭირდა. ამიტომაც ვამბობ, ეს მარტო სამსახური არ იყო, ჩემი სახლი იყო და მომავალშიც იქნება, მიუხედავად იმისა რომ წამოვედი.
მადლობა ყველას, ვინც მთელი ეს წლები მემეგობრა, ამიტანა, მიმიღო ჩემი დადებითი და უარყოფითი თვისებებით. თქვენ ჩემს უჯრაში განსაკუთრებული ადგილი გაქვთ, სათითაოდ არ მოგნიშნავთ.
...და წარმატებები საინფორმაციო სამსახურის ახალ ხელმძღვანელებს, პროფესიონალებს. მინდა, "ქრონიკა" უფრო გაძლიერდეს. ვრჩები თქვენს გულშემატკივრად და ჩვენი ოჯახის წევრად.
მიყვარხართ!"- წერს გურამ როგავა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ტიპი არის შეფარული ნაცნაძირალა!