"მე ბებია გავხდი!" - რას წერს მაკა ჩიჩუა ანა მარგველაშვილის ქალიშვილზე

საქართველოს პრეზიდენტი ბაბუა გახდა. გიორგი მარგველაშვილის ქალიშვილს ანა მარგველაშვილს და მის მეუღლეს გიგი ჩიჩუას გოგონა გუშინ შეეძინათ. ამის შესახებ ინფორმაცია პრეზიდენტის "ფეისბუქის" გვერდზე გავრცელდა:

"ერთი საათის წინ შემეძინა შვილიშვილი! უზომოდ ბედნიერი ვარ! ჩემს პატარა გოგონას ვუსურვებ ჯანმრთელობას და ერთიან საქართველოში ცხოვრებას!" - ვკითხულობთ პრეზიდენტის "ფეისბუქის" ოფიციალურ გვერდზე.

შვილიშვილის დაბადებას გამოეხმაურა დღეს პრეზიდენტის მეუღლე მაკა ჩიჩუა. პირველმა ლედიმ გერის ახლადშეძენილ ქალიშვილს პოსტი მიუძღვნა:

"გუშინ ანნამ საოცრად ლამაზი და ყოჩაღი გოგო გააჩინა! ესეიგი მე ბებია გავხდი! ანასტასიას ბებია. თემო კი ბიძა გახდა", - წერს მაკა ჩიჩუა პირად გვერდზე.