მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"9-ტომიან საქმეზე 2 საათში გამოიტანეს ვერდიქტი" - პაპიძის ადვოკატები სასჯელის გასაჩივრებას აპირებენ
06:48 / 05-07-2016
მეუღლისა და შვილის მკვლელობაში ბრალდებულის, მაგდა პაპიძის ადვოკატის, მარიკა ფხალაძის განცხადებით, დაცვის მხარე სასჯელის გასაჩივრების გადაწყვეტილებას, სასჯელის დანიშვნის სხდომის გამართვის შემდეგ მიიღებს.
როგორც "ინტერპრესნიუსს" ფხალაძემ განუცხადა, ჯერჯერობით ადვოკატებს მაგდა პაპიძესთან კონტაქტი არ ჰქონიათ. მისივე თქმით, სასჯელის დანიშვნის სხდომას ბრალდებული აუცილებლად დაესწრება და გასაჩივრების თაობაზე შესაბამისი გადაწყვეტილება ამის შემდეგ იქნება მიღებული, რადგან საკასაციო წესით მხოლოდ სასჯელის ვადა შეიძლება გასაჩივრდეს და არა ნაფიცი მსაჯულების მიერ მიღებული ვერდიქტი.
"ნაფიცი მსაჯულები ორსაათნახევარში რომ გამოვიდნენ სათათბირო ოთახიდან, უკვე ცალსახად გასაგები იყო რასაც იტყოდნენ. 9-ტომიან საქმეზე 2 საათში გამოიტანეს ვერდიქტი. ისეთი კითხვის ნიშნები იყო და იმდენად ბევრი საკითხი იყო განსახილველი, რომ შეუძლებელია 2 საათში ამაზე ესაურათ და ერთხმად მიეღოთ გადაწყვეტილება. მინიმუმ ამ კითხვის ნიშნებზე უნდა ემსჯელათ მაინც. ამ პოზიციიდან გამომდინარე, უკვე მჯერა, რომ არჩევის დღიდან, როგორც ჩანს, ნაფიც მსაჯულებს გადაწყვეტილება უკვე მიღებული ჰქონდათ", - განაცხადა მარიკა ფხალაძემ.
ადვოკატი ვარაუდობს, რომ ნაფიცი მსაჯულები საზოგადოებრივი აზრის ზეგავლენის ქვეშ მოექცნენ, რომელიც მეუღლისა და შვილის მკვლელობაში ბრალდებული მაგდა პაპიძის მიმართ იყო შექმნილი.
როგორც ცნობილია, ნაფიცმა მსაჯულებმა მეუღლისა და შვილის მკვლელობაში ბრალდებულ მაგდა პაპიძეს გამამტყუნებელი ვერდიქტი გამოუტანეს. დაახლოებით ორსაათნახევრიანი მსჯელობის შემდეგ თორმეტივე ნაფიცმა მსაჯულმა ერთხმად მიიღო გადაწყვეტილება და მეუღლისა და შვილის მკვლელობაში ბრალდებული მაგდა პაპიძე როგორც ოჯახური დანაშაულის ჩადენაში, ასევე განზრახ მკვლელობაში დამნაშავედ სცნო.
სასჯელის დანიშვნის სხდომა მოსამართლე ეკატერინე გაბრიჩიძემ 6 ივლისს ჩანიშნა. მაგდა პაპიძეს 16-დან 20 წლამდე ან უვადო პატიმრობა ემუქრება. სასჯელის ზომას, ნაფიც მსაჯულთა რეკომენდაციის საფუძველზე, მოსამართლე განსაზღვრავს. ამ მიზნით სასამართლო სხდომა 6 ივლისს, 11.00 საათზეა ჩანიშნული. მაგდა პაპიძე მეუღლისა და შვილის მკვლელობის ბრალდებით 7 თვის წინ დააკავეს. მას ბრალი 109-ე მუხლით წაუყენეს, რაც განზრახ მკვლელობას გულისხმობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
