მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა შემთხვევაში შეძლებს მაგდა პაპიძე ნაფიცი მსაჯულების ვერდიქტის გასაჩივრებას
05:40 / 05-07-2016
4 ივლისს, ნაფიცმა მსაჯულებმა გამამტყუნებელი ვერდიქტი მიიღეს და ქმარ-შვილის მკვლელობაში ბრალდებული 25 წლის მაგდა პაპიძე დამნაშავედ ცნეს. თორმეტმა ნაფიცმა მსაჯულმა გამამტყუნებელი ვერდიქტი სათათბიროდ განკუთვნილ პირველივე სამ საათში - 2 საათსა და 35 წუთში, ერთხმად -12 ხმით მიიღო. აღსანიშნავია, რომ თბილისის საქალაქო სასამართლოს პრაქტიკაში, ეს პირველი პრეცედენტია, როდესაც ნაფიცმა მსაჯულებმა გამამტყუნებელი ვერდიქტი ერთხმად მიიღეს.
25 წლის ბრალდებული მსაჯულებმა დამნაშავედ ცნეს ოჯახურ დანაშაულში, კერძოდ, წინასწარი შეცნობით დამამძიმებელ გარემოებებში, მეუღლისა და მცირეწლოვანი შვილის განზრახ მკვლელობის ჩადენაში. სასჯელის ზომის განსაზღვრა მოსამართლის პრეროგატივაა. 109-ე მუხლი, რომელიც განზრახ მკვლელობას გულისხმობს 16-დან 20 წლამდე ან უვადო პატიმრობას ითვალისწინებს.
AMBEBI.GE დაინტერესდა, ექნება თუ არა პაპიძეს გამოტანილი განაჩენის გასაჩივრების უფლება. როგორც ადვოკატი გელა ნიკოლეიშვილი განმარტავს, ბრალდებულს ვერდიქტის გასაჩივრების უფლება არ ექნება. მას ეს უფლება მიენიჭება მხოლოდ იმ გამონაკლის შემთხვევაში თუ, სასამართლო პროცედურების მიმდინარეობისას გამოვლინდა და დასაბუთდა გარკვეული დარღვევები.
"გასაჩივრების უფლება არ აქვს, თუ არ იქნა რაღაც გამონაკლისი შემთხვევა. მაგალითად, არ დამტკიცდა, რომ დარღვევით იქნა ჩატარეული პროცედურა ნაფიცი მსაჯულების მიერ, ან გამოირკვა, რომ რომელიმე ნაფიცი მსაჯული არ შეიძლებოდა აღნიშნულ პროცესში ყოფილიყო ჩართული, ან მათ თანდასწრებით ჩაატარეს რაღაც ისეთი პროცედურა, რომელიც დაუშვებელი იყო. არსებობს ნიუანსები, რომლებიც 15 დღის ვადაში შეუძლია ბრალდებულს გაასაჩივროს. ოღონდ ეს უნდა იყოს დასაბუთებული," - აღნიშნავს გელა ნიკოლეიშვილი.
მისი განმარტებით, თუ კონკრეტული დარღვევა იქნა აღიარებული, მხოლოდ იმ შემთხვევაში განიხილავს საქმეს სააპელაციო სასამართლო. აღნიშნული დანაშაული კი 16-დან 20 წლამდე ან უვადო თავისუფლების აღკვეთას ითვალისწინებს.
ამავეს განმარტავს ახალგაზრდა იურისტთა ასოციაციის იურისტი გოგა ხატიაშვილი, რომლის თქმით, განაჩენის გასაჩივრება შესაძლებელია სააპელაციო სასამართლოში და ამისთვის რამდენიმე პირობაა საჭირო:
"გამამტყუნებელი განაჩენის გასაჩივრების პროცედურა ასეთია: საჩივრდება სააპელაციო ინსტანციის სასამართლოში ერთჯერადად, ოღონდ საკასაციო წესით. გასაჩივრებისთვის საჭიროა შემდეგი პირობების არსებობა: თუ სხდომის თავმჯდომარემ, ანუ მოსამართლემ მტკიცებულებათა დასაშვებობის შესახებ უკანონო გადაწყვეტილება მიიღო, თუ სხდომის თავმჯდომარემ დაყენებული შუამდგომლობის განხილვისას უკანონო გადაწყვეტილება მიიღო, რითაც არსებითად დაირღვა მხარეთა შეჯიბრებითობის პრინციპი, ასევე თუ სხდომის თავმჯდომარემ ნაფიც მსაჯულთა სათათბირო ოთახში გასვლის წინ განმარტებების მიცემისას არსებითი შეცდომა დაუშვა, თუ სხდომის თავმჯდომარე განაჩენის გამოტანისას მთლიანად ან ნაწილობრივ არ დაეყრდნო ნაფიც მსაჯულების მიერ გამოტანილ ვერდიქტს, ასევე სხდომის თავმჯდომარე განაჩენის გამოტანისას დაეყრდნო სისხლის სამართლის კოდექსის მოთხოვნების დარღვევით გამოტანილ ვერდიქტს, თუ სასჯელი უკანონოა ან აშკარად დაუსაბუთებელია თუ სხდომის თავმჯდომარემ არ გაითვალისწინა ნაფიც მსაჯულთა მიერ მიღებული რეკომენდაცია სასჯელის შემსუბუქების ან დამძიმების შესახებ, ეს არის იმ საფუძვლების ამომწურავი ჩამონათვალი, რომელთა არსებობის შემთხვევაში შესაძლებელია განაჩენის გასაჩივრება", - განაცხადა იურისტმა.
უფლებადამცველი ლია მუხაშავრია აცხადებს, რომ გასაჩივრება დასაშვებია, მაგრამ დასაშვებლობის კრიტერიუმები იმდენად მკაცრია, რომ ეს პრაქტიკულად შეუძლებელია.
"როცა ნაფიცები იხილავენ და წყვეტენ საქმეს, შემდეგ ძალიან რთულია მისი გასაჩივრება. შესაძლებელი არის, მაგრამ დასაშვებობის კრიტერიუმები ძალიან მკაცრია და პრაქტიკულად შეუძლებელია ამის მიღწევა," - აღნიშნავს ლია მუხაშავრია.
ქრისტინე გამთენაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
