მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სირცხვილია ხალხო, არ მაძლევენ საშუალებას ჩემი სიმართლე დავდო" - რატომ ითხოვს მაგდა პაპიძე ბოლო პროცესის დახურვას
04:30 / 04-07-2016
ქმარ-შვილის მკვლელობაში ბრალდებული მაგდა პაპიძე მედიას საყვედურობს და მისი სასამართლო პროცესების გაშუქებით უკმაყოფილოა. მაგდა პაპიძემ სასამართლო პროცესზე განცხადება გააკეთა და დღევანდელი პროცესის დახურვა მოითხოვა. როგორც ბრალდებულმა აღნიშნა, პროცესებიდან ისეთი ინფორმაცია გადის, რომელიც რეალობას არ ასახავს, ამ ინფორმაციას ისმენენ ნაფიცი მსაჯულები და მისი გავლენის ქვეშ ექცევიან.
"მთელი ამ პროცესების განმავლობაში ჩემი გულწრფელი სურვილი იყო საზოგადოებას მოესმინა სიმართლე და ეს პროცესები ყოფილიყო საჯარო. მე დღეს ვიმყოფები იზოლირებულ საკანში, თუმცა მაქვს რადიომიმღები და ყოველ დილით ვუსმენ საინფორმაციო გამოშვებებს და მოკლე დაიჯესტებს საგაზეთო სტატიების. სირცხვილია ხალხო. ვადევნებ თვალს იმ სათაურებს, რომელიც იდება ინტერნეტსივრცეში - "მაგდა პაპიძე საღეჭი რეზინით" და ა.შ. სირცხვილია ხალხო, არ მაძლევენ საშუალებას, რომ ჩემი სიმართლე დავდო.
ფსალმუნებით დავდივარ სასამართლოში, მუხლებზე მიდევს და ვკითხულობ რომ კამერამ არ დააფიქსიროს. რა პროცესებიც მიმდინარეობს რეალურად, რაც აქ ხდება, სხვა ინტერპრეტაცია მიეცა ამ ყველაფერს და ამ ყველაფერმა ნაფიც მსაჯულებზე იქონია გავლენა. არავის მივცემ უფლებას, მომართოს მსაჯულები ჩემ წინააღმდეგ. ვისიამოვნე ჩემი მსაჯულების შეკითხვებით, რომელიც მათ ჩემი დაკითხვის დროს დამისვეს და მინდა ჩემს ნაფიც მსაჯულებთან დავრჩე და მათ ვაჩვენო ჩემი სიმართლე. ამიტომ ვითხოვ ჩემი საბოლოო სიტყვა და ასევე ბრალდებისა და დაცვის საბოლოო სიტყვები დაიხუროს. ეს მე სიცოცხლეს მიწყვეტს", - განაცხადა მაგდა პაპიძემ.
ბრალდებულის ადვოკატებმა მაგდა პაპიძის მოთხოვნის საფუძველზე მოსამართლის წინაშე პროცესის დახურვის შუამდგომლობა დააყენეს, რაც მოსამართლე ეკატერინე გაბრიჩიძემ დააკმაყოფილა. მოსამართლემ სასამართლო დარბაზში მხარეებთან ერთად, მხოლოდ დაზარალებულის უფლებამონაცვლე, მოკლული ომარ ქაფიაშვილის დედა დარეჯან მინდიკაური დატოვა.
თორნიკე კოშკაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
