კანდელაკის ქუჩაზე მომხდარ მკვლელობასთან დაკავშირებით შსს ოფიციალურ ინფორმაციას ავრცელებს
შსს-ს თბილისის პოლიციის დეპარტამენტის დეტექტივების სამმართველოს და ვაკე-საბურთალოს სამმართველოს თანამშრომლებმა 1986 წელს დაბადებული ბექა დ. განზრახ მკვლელობის ბრალდებით დააკავეს.
გამოძიების ინფორმაციით ბრალდებულმა მიმდინარე წლის 1 ივლისს, თბილისში, კანდელაკის ქუჩაზე, შურისძიების ნიადაგზე, ნაცნობს - 1984 წელს დაბადებულ მიხეილ ც.-ს ცეცხლსასროლი იარაღით თავისა და გულმკერდის არეში რამდენიმე ჭრილობა მიაყენა და შემთხვევის ადგილიდან მიიმალა. მიხეილ ც. მიყენებული ჭრილობების შედეგად, საავადმყოფოში გარდაიცვალა.
სამართალდამცველებმა ბრალდებული თბილისში, მომხდარიდან რამდენიმე საათში, ცხელ კვალზე დააკავეს. პოლიციამ დანაშაულის ჩადენის იარაღი - ორლულიანი გადაჭრილი სანადირო თოფი ნივთმტკიცებად ამოიღო. დაკავებული ჩადენილ დანაშაულს აღიარებს.
გამოძიება განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტზე მიმდინარეობს.
იხილეთ ვიდეო: მკვლელობა შურისძიების ნიადაგზე - კანდელაკზე დაჭრილი მამაკაცი საავადმყოფოში გარდაიცვალა
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
