მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს იყო ორდინალური სპეცოპერაცია, რომელიც დამთავრდა ტრაგიკულად" - როგორ იხსენებს "მასტერა" ე.წ. ნავთლუღის სპეცოპერაციას
08:03 / 29-06-2016
ე.წ. ნავთლუღის სპეცოპერაციის საქმეზე ბრალდებულ კუდ-ის ყოფილი მაღალჩინოსნის გია დგებუაძის, მეტსახელად მასტერას შეფასებით, დაუშვებელია სპეცოპერაცია, რომელიც 2006 წელს ჩატარდა და რომელშიც მონაწილეობა მანაც მიიღო, პოლიტიკური მიზნებისთვის იყოს გამოყენებული. ბრალდებულმა დღეს გამართულ სასამართლო პროცესზე შესავალი სიტყვა წარმოთქვა და აღნიშნა, რომ პროკურატურას არავითარი პირდაპირი მტკიცებულება მის წინააღმდეგ არ გააჩნია.
"მიჩნდება საფუძვლიანი ეჭვი, რომ საქართველოს პროკურატურა, ქვეყანაში შექმნილი პოლიტიკური კონიუქტურის გამო იძულებულია წარმოაჩინოს საქმის არა რეალური ვითარება, არამედ საკუთარი ინტერპრეტაცია სკანდალური სახე მისცეს მას და გამოიყენოს ისეთი ადამიანების წინააღმდეგ, რომლებიც სხვადასხვა მიზეზების გამო, საზოგადოებისთვის მიუღებლები არიან. ეს იყო ორდინალური სპეცოპერაცია, რომელიც დამთავრდა ტრაგიკულად და ამის გამოყენება სხვა მიზნებისთვის, თუნდაც პოლიტიკური თუ სუბიექტური მიზნებისთვის დაუშვებლად მიმაჩნია", - განაცხადა გია დგებუაძემ სასამართლოზე.
ბრალდებულმა ასევე აღნიშნა, რომ არ სურს მის გამო მოსამართლეზე რაიმე ზეწოლა განხორციელდეს, რის საპასუხოდაც მოსამართლე ლაშა ჩხიკვაძემ განუმარტა, რომ სასამართლო არავითარ ზეწოლას არ დაექვემდებარება და მიიღებს იმ გადაწყვეტილებას, რომელიც დაფუძნებული იქნება ფაქტებზე და უტყუარ მტკიცებულებებზე.
ბრალდებულმა შესავალი სიტყვის წარმოთქმისას ასევე ე.წ. ნავთლუღის სპეცოპერაციის მიმდინარეობისას მისი დანაყოფის ფუნქცია-მოვალეობები განმარტა და ბრალდება სასამართლოს შეცდომაში შეყვანის მცდელობაში დაადანაშაულა.
"ჩემთვის ცხადია რაზეა აგებული ბრალდების სტრატეგია. ცოტა სიმართლისა და ბევრი ტყუილის გარევით ცდილობენ, შეცდომაში შეიყვანონ სასამართლო და ჩემი პიროვნება გამოიყვანონ ისეთად, რომ ნებისმიერ დანაშაულზე ვარ წამსვლელი. მე არანაირად არ ვარ წინააღმდეგი სახელმწიფოსთან თანამშრომლობის, გარდა ერთისა, როცა საქმე გვაქვს სიცრუესთან და ტყუილთან. არანაირ ძალისმიერ ოპერაციაში და არანაირ დაკავებაში არ მიმიღია მონაწილეობა არც მე და არც ჩემს დანაყოფს, იმიტომ, რომ ეს არ გვქონდა დავალებული", - განაცხადა გია დგებუაძემ.
თორნიკე კოშკაძე
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
