მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სკანდალი ტექნიკის მაღაზიების ირგვლივ - როგორ iPhone-ებს ყიდიან საქართველოში?
04:58 / 27-06-2016
ბოლო დროს აქტუალური გახდა ქართველების წუწუნი იმ საკითხთან დაკავშირებით, რომ შეძენილმა iPhone-მა იმედები ვერ გაამართლა. მოქალაქეები ხშირად გამოთქვამენ უკმაყოფილებას იმასთან დაკავშირებით, რომ შეძენილი ტექნიკა მალე ფუჭდება, შესაბამის ფუნქციებს ვერ ასრულებს და ა.შ.
ბოლო პერიოდში, მომხმარებლის შეცდომაში შეყვანის უპრეცენდენტო შემთხვევა დაფიქსირდა. ერთ-ერთმა მომხმარებელმა, რომელმაც iPhone 5 შეიძინა, აღმოაჩინა, რომ კომპანია iPhone + - მა მას სადემონსტრაციო მოწყობილობა მიყიდა, რომელიც მოხმარებისთვის განკუთვნილი არ არის.
"ეს არის iPhone 5 და ეს მოდელი გაყიდა iPhone + მა. ეს არის დემო ვერსია. ბაზაში ტელეფონი არ იძებნება, თქვენ ვერ მოიპოვებთ ინფომაციას, რომ ეს არის iPhone 5, ვინაიდან ეს ტელეფონი არ არის გაყიდვისთვის განკუთვნილი. ჩვენ ვეცადეთ იმეილ კოდით მოგვეძებნა ინფორმაცია, თუ როდის იყო ტელეფონი გააქტიურებული და ა.შ. მაგრამ ამის პოვნა შეუძლებელია. პირდაპირ ყუთზე, საკმაოდ გარკვევით აწერია: Not for sale - რეალიზაციას არ ექვემდებარება. ეს არის სადემონსტრაციო ტელეფონი", - განაცხადა მომხმარებელთა ფედერაციის თავმჯდომარემ, მადონა კოიძემ სპეციალურად, აღნიშნულ პრობლემასთან დაკავშირებით გამართულ პრესკონფერენციაზე.
მადონა კოიძემ დამსწრე საზოგადოებას ტელეფონიც წარუდგინა და აღნიშნა, რომ მსგავსი რამ, რაც დაზარალებულ მომხმარებელს საქართველოში შეემთხვა, არცერთ ქვეყანაში ხდება. მსგავსი პრობლემების გადაჭრის მიზნით, მომხმარებელმა ფედერაციამ ტექნიკის კომპანიებს კითხვარები გაუგზავნა.
"ჩვენ რამდენიმე კომპანიას მივწერეთ წერილი იმის თაობაზე, რომ მოეწოდებინათ ინფორმაცია. ჩამოყალიბებული იყო 5 ძალიან მარტივი კითხვა: რა მოდელებს ყიდდნენ, აქვთ თუ არა მათ ოფიციალურად Apple-ის ლოგოების გამოყენების უფლება, აქვთ თუ არა რეალიზაციაში მეორადი ტელეფონები და ამის შესახებ იცის თუ არა მომხმარებელმა", - აღნიშნა მადონა კოიძემ და დასძინა, რომ მოთხოვნილი ინფორმაცია მხოლოდ ორმა კომპანიამ მიაწოდა:
"სამწუხაროდ, ამ კითხვებზე მხოლოდ ორმა კომპანიამ გვიპასუხა. ეს არის iTechnic და Techno Boom . მათ ასევე გამოთქვეს თანამშრომლობის სურვილი მომხმარებელთა ფედერაციასთან: თუ პრეტენზია არსებობდა გაყიდულ ტექნიკასთან მიმართებაში, მომხმარებელს ჰქონოდა ბერკეტი და შესაძლებლობა, რომ ამის შესახებ გარდა სერვის ცენტრისა, მოემართა მომხმარებელთა ფედერაციისთვის. ანუ ისინი მუშაობენ გამჭვირვალედ, რასაც ვერ ვიტყვით დანარჩენ კომპანიებზე", - განაცხადა მადონა კოიძემ.
როგორც ჩანს, iTechnic და Techno Boom ის მაღაზიებია, რომლებისთვისაც საკუთარი საქმიაონიბის გამჭვირვალედ განხორციელება პრობლემას არ წარმოადგენს. იმავეს თქმა რთულია დანარჩენ კომპანიებზე, რომლების მიერ უპასუხოდ დატოვილი შეკითხვები ბადებს ეჭვს, რომ ისინი არაკეთილსინდისიერი საქმიანობით არიან დაკავებული.
"მე ძალიან დიდი თხოვნა მაქვს ყველა არაკეთილსინდისიერ ბიზნეს ოპერატორთან, რომ საქართველო არ გადააქციონ ნაგავი ტელეფონების სარეალიზაციო ადგილად, შემოიტანონ ხარისხიანი ტელეფონები, როგორიც სხვა ქვეყნებში იყიდება და ჩვენ გვქონდეს საშუალება, რომ ხარისხიანი ტელეფონები ვიყიდოთ. უხარისხო ტელეფონები გაასვენონ საქართველოს სამომხმარებლო ბაზრიდან", - აღნიშნა მადონა კოიძემ პრესკონფერენციის დროს.
მომხმარებელთა ფედერაცია ამჟამად კოლექტიური სარჩელისთვის ემზადება და ყველა დაზარალებულ მომხმარებელს მოუწოდებს, მიმართონ ფედერაციას, მსგავსი პრობლმების აღმოჩენის შემთხვევაში. აღნიშნული ქმედება, სავარაუდოდ, დადებით შედეგებს მოიტანს, თუმცა მანამდე, რამდენიმე რჩევის გათვალისწინება ნამდვილად წაადგებათ იმ ადამიენებს, რომლებიც ახალი ტელეფონი შეძენას ფიქრობენ:
1. სწორად შეარჩიეთ მაღაზია. აირჩიეთ სანდო ბრენდი, რათა მაქსიმალურად დაიცვათ თავი კომპანიის მხრიდან არაკეთილსინდისიერი თანამშრომლობისგან.
2. მას შემდეგ, რაც სასურველ მოდელს შეარჩევთ, დეტალურად შეამოწმეთ. ჩართეთ, დაათვალიერეთ, ნახეთ შეფუთვა. თუ უცხო ენაზე არსებული წარწერების გაგება გიჭირთ, სთხოვეთ მაღაზიის კონსულტანტებს, დეტალურად აგიხსნან, რას ნიშნავს ესა თუ ის წარწერა.
3. არ მოაწეროთ ხელი არცერთ ხელშეკრულებას მანამ, სანამ ბოლომდე არ დარწმუნდებით, პრომ პროდუქტი, რომელსაც იძენთ, ზუსტად ის არის რაც გჭირდებათ და მას არაფერი აქვს დაზიანებული.
4. დეტალურად გამოიკითხეთ საგარანტიო ვადა და გარანტიის პირობები.
5. თუ ცუდად ერკვევით ტექნიკასა და ინოვაციებში, სთხოვეთ მეგობარს/ახლობელს, რომლიც ამ სფეროში კარგად ერკვევა და წაიყვანეთ თქვენთან ერთად, პროდუქტის შეძენისას.
თამარ კორკოტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
