31
მაისიდღის ზოგადი ასტროლოგიური პროგნოზი
მომღერალმა ნინი ქარსელაძემ ევროპა მოიარა, რამდენიმე წელი ოჯახთან ერთადაც იცხოვრა იქ, ახლა კი სხვა ქვეყანასთან დაკავშირებით აქვს ახალი გეგმები. "სარკესთან" ინტერვიუში, ნინიმ გაამხილა, რომ ევროპაში მხოლოდ ტურისტად დაბრუნებას აპირებს და მოსკოვში გადაბარგებაზე სერიოზულად ფიქრობს. გთავაზობთ ნაწყვეტებს "სარკესთან" მიცემული ინტერვიუდან:
"ჯერ ერთი, დედაჩემის, ხათუნას ბებია იყო რუსი, ალბათ სისხლში მაქვს ამ ერის მიმართ სიყვარული. ჩემი უფროსი ძმა, კახი (მერაბ ჟორდანიას და მაკა ასათიანის ვაჟი) თავის ცოლთან ერთად იქ ცხოვრობს, იქ აქვს თავისი საქმე. მოსკოვში ბევრი მეგობარი მყავს, როგორც ქართველი, ასევე რუსი. ეს არის ქალაქი, სადაც მეტი საშუალება გაქვს საკუთარი თავის რეალიზების... ჩემი ცხოვრების რიტმი ძალიან უხდება მოსკოვს. ეს ის ქალაქია, სადაც კულტურა უმაღლეს დონეზეა განვითარებული... ვერ ვასწრებდი გამოფენიდან გამოფენაზე, სპექტაკლიდან სპექტაკლზე მისვლას...
- რუსული ესტრადაც მოგწონთ?
- ძველი ესტრადა - ლუბა უსპენსკაია, ფილიპ კირკოროვი და სხვები დედას ძალიან უყვარს და ეს სიყვარული მეც გადმომეცა. ვერ გეტყვით, რომ ახალი თაობის მომღერლებს ვიცნობ. არ მინდა, გამომრჩეს, რომ ვიყავი "ა სტუდიოს" კონცერტზე, სადაც ქეთა თოფურიამ და დედამისმა დამპატიჟეს. კონცერტი ორკესტრის თანხლებით ჩატარდა და დიდი სიამოვნება მივიღე.... დარბაზი სულ სავსე იყო. ერთი ადამიანი ვერ ვნახე, ვინც ტაშს არ უკრავდა. ჩვენთან კონცერტზე მოდიან და ტაშს არ გიკრავენ. გულნატკენი ვარ, რომ ჩვენ არ გვყავს ისეთი მსმენელი, როგორიც ჰყავთ რუსებს.
ყველანაირად ძალიან განვითარებული ერია ბევრ იმ ერთან შედარებით, სადაც მიცხოვრია. ზუსტად ვიცი, ევროპისა და რუსეთის შედარებას დიდი ამბავი მოჰყვება, მაგრამ მე ასე ვფიქრობ.... ლონდონში რომ ვსწავლობდი, მამაჩემს ციხეში გულის შეტევა მოუვიდა. რექტორთან შევედი, ჩემი მდგომარეობა ავუხსენი და გათავისუფლება ვთხოვე, მაგრამ მითხრა, რა ვქნა, გუშინ დედაჩემი მოკვდა, დღეს კი აქ ვარ და ლექციებს ვატარებო. ის წელი დავამთავრე და მას მერე ლონდონში აღარ დავბრუნებულვარ.
...ჯერ ერთი, რუსები მართლმადიდებლები არიან, მეორეც, ჩემთან უფრო ახლოს დგას ეს ერი, ვიდრე ევროპა, ამიტომაც გადაწყვეტილი მაქვს იქ წასვლა. ზუსტად ვიცი, ის ადამიანები, ვინც ძალიან ცუდად ფიქრობენ რუსებზე, ბოლო პერიოდში იქ არ ყოფილან. მათ ისე უყვართ ქართველები და ისე ენატრებათ ჩვენთან ურთიერთობები, რომ ვერ დავიჯერებ და ვერ მოვისმენ ადამიანებისგან მორალის კითხვას იმის თაობაზე, რომ იმ ქალაქში არ უნდა ჩავიდე" - ამბობს ახალგაზრდა მომღერალი "სარკესთან" ინტერვიუში.
ლანა კიკნაძე
ჟურნალი "სარკე"
