24
მაისიდღის ზოგადი ასტროლოგიური პროგნოზი
ქეთი ბერიშვილი 27 წლის მეღვინეა. მისი ოჯახი წლებია, მეღვინეობით არის დაკავებული. თავად ქეთი კი ამ სფეროში ერთი წელია, რაც აქტიურად ჩაერთო. გასულ სეზონზე საკუთარი ვენახებიდან პირველი მოსავალიც მიიღო. უჟანგავ ფოლადში, ერთად დადუღებული საფერავი და რქაწითელი უკვე ბრენდირებულია. GOGOWINE ორგანული ღვინის მაღაზიებში იყიდება. როგორც თავად ამბობს, ქართულ ბაზარზე დამკვიდრების პირველი მცდელობა დამწყები მეღვინესთვის წარმატებული აღმოჩნდა.
ქეთი პროფესიით პიარმენეჯერია. "ჯიპაში" მაგისტრატურა საზოგადოებასთან ურთიერთობის მიმართულებით გაიარა. სამსახური და საბანკო სფეროში საკმაოდ წარმატებული კარიერა ერთი წლის წინ დატოვა და თელავის რაიონ სოფელ ართანაში მამის მიერ დაწყებული საქმის გასაგრძელებლად გადავიდა. ქეთის კონკრეტული მიზანი - ორგანული ღვინის წარმოება და ამ კუთხით ოჯახურ საქმიანობაში ახალი მიმართულების დანერგვა ჰქონდა. ყურძნის დაკრეფიდან ღვინის ბრენდირებულ წარმოებამდე ყველა გადაწყვეტილებაზე პასუხისმგებლობა საკუთარ თავზე აიღო. მცდელობამ გაამართლა. პირველი ნაბიჯები მეღვინეობის სფეროში უკვე გადადგმულია. მეღვინე გოგოს მომავალში დიდი გეგმები აქვს და ახალი გამოწვევებისთვის ემზადება.
ახალგაზრდა მეღვინე გოგოს მიერ წარმოებული ღვინო სპეციალურ მაღაზიებში იყიდება. ქეთი ბერიშვილმა შემოთავაზებები ამერიკიდან და დანიიდანაც მიიღო. ქეთის გადაწყვეტილებით, შემდეგი წლიდან GOGOWINE საქართველოს საზღვრებს გასცდება.
Gogowine - 27-year-old Georgian PR manager becomes successful winemaker
