11
ივნისიდღის ზოგადი ასტროლოგიური პროგნოზი
ბულგარეთი, ესტონეთი, ლატვია, ლიტვა და რუმინეთი ევროკავშირს წერილით მიმართავს, რაც შეიძლება სწრაფად დაუწესდეს საქართველოს უვიზო რეჟიმი
ევროკავშირის ხუთი წევრი სახელმწიფო ევროკავშირს წერილით მიმართავს და მოითხოვს, რომ საქართველოს უვიზო რეჟიმი რაც შეიძლება სწრაფად დაუწესდეს.
აღნიშნული წერილის ავტორები ბულგარეთის, ესტონეთის, ლატვიის, ლიტვისა და რუმინეთის შინაგან და საგარეო საქმეთა მინისტრები არიან.
ისინი იმედს გამოთქვამენ, რომ საქართველოსთვის ვიზალიბერალიზაციის რეჟიმის დაწესებაზე გადაწყვეტილებას ევროკავშირის საგარეო საქმეთა მინისტრების შეხვედრაზე მიიღებენ.
წერილი ევროკავშირის ხუთმა წევრმა ქვეყანამ მას შემდეგ მიიღო, რაც გერმანიამ, საფრანგეთმა და იტალიამ, ევროკავშირის ელჩების სხდომაზე საქართველოსთვის უვიზო რეჟიმის დაწესების ინიციატივა დაბლოკეს.
წერილში ნათქვამია, რომ საქართველომ უვიზო რეჟიმის მისაღებად შეასრულა ევროკავშირის ყველა პირობა და ახლა ევროკავშირმა უნდა მიიღოს საპასუხო ნაბიჯი.
"გადაწყვეტილების მიღების გადადება ეჭვქვეშ დააყენებს ჩვენს სანდოობას და შესაძლოა, უარყოფითი გავლენა მოახდინოს საქართველოში ევროინტეგრაციასთან დაკავშირებულ რეფორმებზე, ისევე, როგორც ჩვენს სხვა პარტნიორ ქვეყნებზე", - ნათქვამია წერილში, რომლის შინაარსსაც ევროპული გამოცემა "ობსერვერი" გაეცნო.
