შსს: თაზო ლიპარტელიანის გარდაცვალების ფაქტზე, საქმე თვითმკვლელობამდე მიყვანის მუხლით აღიძრა

შინაგან საქმეთა სამინისტროს ინფორმაციით, მუსიკოს თაზო ლიპარტელიანის გარდაცვალების ფაქტზე, საქმე 115-ე, თვითმკვლელობამდე მიყვანის მუხლით აღიძრა.

თაზო ლიპარტელიანის, იგივე გრინჩის გარდაცვალების შესახებ ინფორმაცია, რამდენიმე წუთის წინ გავრცელდა. არსებული ინფორმაციით, მუსიკოსი ჩამომხრჩვალი იპოვეს. "გრინჩი" ჯგუფ "Kung Fu Junkie"-ს წევრი იყო.

გრინჩი წლების წინ "რუსთავი 2"-ის პროექტ "ჯეობარიდან" გაიცნო საზოგადოებამ. მოგვიანებით, მან მუსიკის კეთება აქტიურად დაიწყო და მუდმივად აოცებდა საზოგადოებას ინდივიდუალურობით, მრავალფეროვნებით, სახასიათო ტიპაჟით და მისი შემოქმედებითი ხასიათით.