ამერიკის ქალაქ ამარილოს სუპერმარკეტში შეჭრილი თავდამსხმელი ლიკვიდირებულია

სამართალდამცველებმა უცნობი შეიარაღებული მამაკაცის ლიკვიდაცია განახორცილეს, რომელმაც ტეხასის შტატის ქალაქ ამარილოს სუპერმარკეტში მძევლები აიყვანა.

პოლიციის დეპარტამენტის პრესრელიზში აღნიშნულია, რომ მძევლები ამ დროისთვის უსაფრთხოდ იმყოფებიან. პოლიცია ქალაქის მოსახლეობას მოუწოდებს, სავაჭრო ცენტრის ირგვლივ, სადაც ინციდენტი მოხდა, გადაადგილებისგან თავი შეიკავონ.

წინასწარი მონაცემებით, მომხდარი სამუშაო ადგილზე კონფლიქტს უკავშირდება. მანამდე გავრცელებული ინფორმაციით, სუპერმარკეტ "Wallmart“-ში შეიარაღებული მამაკაცი იმყოფებოდა. მარკეტში მყოფი ადამიანების ნაწილის ევაკუაცია მოხერხდა.