მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ღირს "მიმტანის" პროფესია საქართველოში და რა მოთხოვნები აქვთ დამსაქმებლებს
14:20 / 14-06-2016
ჩემი რესპონდენტი ჭკვიანი, მშრომელი და რაც მთავარია, ძლიერი ადამიანი გახლავთ. ის ჯერ 22 წლის არის. მომავალში მსახიობობას აპირებს, მაგრამ წლებია, მიმტანად მუშაობს. ამჟამინდელ პროფესიას აფასებს და სხვებსაც იმავეს მოუწოდებს...
მარიამ ჟამუტაშვილს მიმტანის პროფესიის შესახებ ვესაუბრე, თუმცა აღმოჩნდა, რომ პატარა ასაკის მიუხედავად, გოგონას საინტერესო ცხოვრება აქვს გავლილი და გვერდი ვერც ამას ავუარეთ... იმედია, მარიამთან ინტერვიუ მიმტანის პროფესიის გაცნობაში დაგეხმარებათ და მეტიც - თავდაჯერებას შეგმატებთ, განურჩევლად იმისა, თუ რომელი პროფესია გაქვთ არჩეული.
- 5 წელია, მიმტანად ვმუშაობ. სკოლა რომ დავამთავრე, სამსახური მჭირდებოდა. თეატრალურ უნივერსიტეტში, სამსახიობო ფაკულტეტზე ჩაბარება მინდოდა. ბავშვობაში, ჰოლივუდის ვარსკვლავების ბიოგრაფიებს ვკითხულობდი და უმრავლესობა წინათ მიმტანად მუშაობდა. ამ საკითხს ჩავეძიე და მივხვდი: მსახიობს სითამამე, ხალხთან ურთიერთობა აუცილებლად უნდა ჰქონდეს. მიმტანობა მსახიობობას ჰგავს. ამიტომაც ავირჩიე. თან, ასე ვთქვათ, ამ საქმით ფულიც ნორმალურად იშოვება. მაინტერესებდა სხვადასხვა ღვინის, კერძის შესწავლა და საერთოდ, ამ პროფესიაში რა როგორ იყო. ხალხთან ურთიერთობა მჭირდებოდა. მსიამოვნებდა, რომ ადამიანებს ღიმილით ვემსახურებოდი (იღიმის)...
- სამსახური როგორ იპოვე?
- გამიმართლა, რომ მცდელობის პირველსავე დღეს ამიყვანეს.
- ვაკანსია სად მოიძიე?
- ვაკანსია არ მინახავს. რადგან სამსახური მჭირდებოდა, ინტერნეტში "შევძვერი", რესტორნები მოვძებნე, შემდეგ კი რამდენიმე მათგანში მივედი. გამიმართლა და ერთგან სამსახურში ამიყვანეს.
- დამსაქმებლებს შენთან რა მოთხოვნები ჰქონდათ?
- თავდაპირველად შევთავაზე, გადამზადებას გავივლიდი, მათთან მუშაობა რომ დამეწყო. მათი პირველი მოთხოვნა იყო, რომ აუცილებლად მოწესრიგებული ვყოფილიყავი, სამსახურში დროულად მივსულიყავი და ა.შ. ასევე, რუსული და ინგლისური ენა უნდა მცოდნოდა და გამართულად მემეტყველა, რადგან მიმტანებს სტუმრებთან ურთიერთობა გვიხდება. შემდეგ, სერვისი ვისწავლე, რაც მომსახურების ტერმინებსა და უამრავ რამეს გულისხმობს. მერე მომინდა, ახალი სამსახური მეშოვა. იქ მისულს გამომკითხეს, სერვისი ვიცოდი თუ არა. ყველა რესტორანში სუფრის სხვადასხვანაირი, თავისებური გაწყობის სტილი აქვთ. ყოველ ახალ სამსახურში ახალ-ახალ რაღაცებს ვითვისებდი.
- თავდაპირველად, გადამზადებისთვის თანხა თავად გაიღე თუ რესტორანმა?
- ფულს თავად მაძლევდნენ, ოღონდ - გასამრჯელოს ნახევარს. ტრენინგები გავიარე.
- რა სირთულეებთანაა დაკავშირებული მიმტანის პროფესია?
- როგორც გითხარით, მიმტანობა მსახიობობას ჰგავს და სირთულეც ამას უკავშირდება: სამსახურში მისულებმა ჩვენი განწყობილება კარის ზღურბლს მიღმა უნდა დავტოვოთ, რადგან რთული დღის შემდეგ, რესტორანში მოსული სტუმარი უნდა გამხიარულდეს, გული გადააყოლოს და ა.შ. ჩვენს პრობლემებს ვივიწყებთ და მომსახურებაზე ვართ ორიენტირებული. მიმტანს თავისი პროფესია ძალიან უნდა უყვარდეს, რადგან თავად თუ არ დააფასა, სხვა არ დააფასებს. საერთოდაც, საზღვარგარეთ მიმტანობა ძალიან დაფასებული პროფესია გახლავთ. უკვე საქართველოშიც აფასებენ, მაგრამ როცა მუშაობა დავიწყე, მაშინ ჩემი თანატოლები ამ სფეროში დიდად არ იყვნენ დასაქმებულები.
- რესტორნის მეპატრონე, მენეჯერი თუ სტუმარი უსამართლოდ მოგპყრობია?
- რატომღაც, სტუმრებთან დაკავშირებულ მსგავს შემთხვევას ვერ ვიხსენებ. ამ პროფესიას ძალიან ანალიტიკური აზროვნება, ფსიქოლოგიის ცოდნა სჭირდება. რთული სიტუაციებიდან იოლად "გამოძრომა" უნდა შეგეძლოს. ალბათ, ეს მეხმარებოდა, რომ არც ერთ სტუმართან პრობლემა არ შემქმნია, რაც ძალიან მიხარია და მეამაყება. უფროსებს რაც შეეხებათ, პატარ-პატარა უთანხმოებები ყოფილა, მაგრამ როცა
ყველაფერი გარკვეულა, სიტუაცია დამშვიდებულა. სადაც კი მიმუშავია, ყველგან კარგად მიცნობენ და მგონი, ვუყვარვარ კიდეც...
- რთული სიტუაციები ახსენე. რა სირთულეებს გულისხმობ?
- მაგალითად, მიმტანს ჩაბარებული მაქვს "პოზიცია" - დაახლოებით, 10 მაგიდა. ამ 10 მაგიდიდან 1 საათში 6 მაგიდა შეივსო. ერთის შეკვეთა უნდა მიიღო, მზარეულებს გადასცე, შეკვეთა წამოიღო, მეორე შეკვეთა მიიღო, მესამე... თან, სუფთად და ლამაზად უნდა მოემსახურო. ეს დიდ სირთულესთანაა დაკავშირებული, თუმცა გამოცდილი მიმტანები კარგად უმკლავდებიან და რესტორნიდან სტუმარიც კმაყოფილი მიდის.
- მიმტანებს ერთმანეთთან როგორი დამოკიდებულება გაქვთ? ე.წ. "ჩაის" როგორ ინაწილებთ?
- არის რესტორნები, სადაც ინდივიდუალური "ჩაია" ანუ "ჩემი" მაგიდის სტუმარი რა თანხასაც დამიტოვებს, ის მხოლოდ ჩემია, მაგრამ ზოგ რესტორანში "ჩაის" ყუთში ვყრით, დღის ბოლოს კი შეგროვებულ თანხას ყველანი ვინაწილებთ. მართალია, გულის სიღრმეში, ერთმანეთის კონკურენტები ვართ, მაგრამ ყველანი იმისთვის ვმუშაობთ, რომ სტუმარი რესტორნიდან მაქსიმალურად ნასიამოვნები წავიდეს. რაკი ჩვენს პროფესიას პატივს ვცემთ, ვცდილობთ, საქმე ხარისხიანად გავაკეთოთ. ერთმანეთს ხელს ვუწყობთ.
- შენთვის ინდივიდუალური "ჩაი" უფრო მოსახერხებელია თუ საერთო?
- ჩემთვის თავისი ხიბლი ორივეს აქვს: ინდივიდუალურს ის კარგი მხარე აქვს, რომ თანხა მთლიანად მიმტანისაა და არავინ ედავება, მაგრამ პირადად მე, პრობლემა არასოდეს მქონია, სხვაზე მეტ ფულს ვშოულობ და თანხა სხვას რატომ უნდა გავუნაწილო-მეთქი. საერთოდ, მიმტანს ინდივიდუალური "ჩაით" უფრო მეტი თანხა გრჩება, რადგან შეიძლება, კოლეგას იმ დღეს არ გაუმართლოს და თანხა უნდა უწილადო. შესაბამისად, - ფული გაკლდება, მაგრამ შეიძლება, მეორე დღეს შენ არ გაგიმართლოს და შენს თანამშრომელს გაუმართლოს. საერთო "ჩაის" ეს ხიბლი აქვს.
- მსახიობობა ხომ არ გადაიფიქრე? ... განაგრძეთ კითხვა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
