მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ორლანდოს გეი-კლუბზე თავდამსხმელი, თავად გეი იყო - რა უამბეს ყოფილმა ცოლმა და მეგობარმა მედიას
05:54 / 14-06-2016
ამერიკის ქალაქ ორლანდოში გეი-კლუბ Pulse-ში ჰომოფობიურ ნიადაგზე მასობრივი მკვლელობის მომწყობი ომარ მატინი, თავად იყო ამ კლუბის ხშირი სტუმარი და იქ ყველა ხედავდა მას უკანასკნელი სამი წლის მანძილზე.
50 ადამიანის მკვლელის შესახებ მისმა მეუღლემ და კლასელმა, რომელთან ერთადაც მატინი პოლიციის აკადემიაში სწავლობდა, მედიასთან ისაუბრეს. სიტორა იუსუფმა, რომელიც 2009 წელს, სამი თვით იყო დაქორწინებული მატინზე, ბრაზილიურ ტელეარხთან SBT Brazil-თან გაამხილა, რომ მისი ყოფილი მეუღლე გეი იყო. იუსუფის სიტყვები ბრაზილიურ მედიას მისმა ამჟამინდელმა საქმრომ მარკო დიასმა გადასცა. ქალმა გაიხსენა, როგორ უწოდა მის თვალწინ მისმა მამამთილმა მატინს გეი. ამასთან, იუსუფის თქმით, FBI-მ აუკრძალა ამ თემაზე ამერიკულ მედიასთან საუბარი.
ამასთან, გამოცემა "ორლანდო სენტინელი" კლუბის ერთ-ერთ ხშირ სტუმარზე ტაი სმიტზე დაყრდნობით წერს, რომ თავდამსხმელი ხშირად იყო Pulse-ში, კუთხეში ჯდებოდა და მარტო სვამდა, ზოგჯერ თვრებოდა, ხმაურობდა და აგრესიულადაც იქცეოდა. "თითქმის არ გვისაუბრია ერთმანეთთან, მაგრამ მახსოვს აგრესიულად საუბრობდა საკუთარ მამაზე", - აღნიშნავს სმიტი.
კიდევ ერთი მოულოდნელი განცხადება ჰომოფობ მკვლელზე გააკეთა მისმა კლასელმა, რომელიც მატინთან ერთად 2006 წელს სწავლობდა პოლიციის აკადემიაში.
მამაკაცი, რომლის ვინაობაც არ სახელდება, ყვება, რომ იგი ხშირად რჩებოდა ომართან მარტო და ზოგჯერ ერთადაც დადიოდნენ გეი-კლუბებში. მისივე თქმით, გეი-კლუბში მორიგი ვიზიტის დროს, ომარმა მას სექსი შესთავაზა, თუმცა მან ეს შეთავაზება უარყო: "მას ყოველთვის სურდა პარტნიორი, თუმცა იგი არავის მოსწონდა", - აცხადებს მკვლელის კლასელი.
მომზადებულია dailymail.co.uk და nypost.com-ის მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
