"ამ "ფრონტალურ" გაუგებრობას ჰკითხეთ...მეორე მხარეს, რომ ზის და გმინვაშია გულთგონხართა?“ - ხიდაშელის პასუხი ვასაძის მწვავე შეფასებებზე

თავდაცვის მინისტრი თინა ხიდაშელი მისი მისამართით ბიზნემენ ლევან ვასაძის მიერ Palitranews-ეთერში გაკეთებულ მწვავე განცხადებებს "ფეისბუქზე" პასუხობს.

"ჩემო საყვარელო ჟურნალისტებო, ამ "ფრონტალურ" გაუგებრობას კითხეთ მე რომ სამშობლოს ღალატს ჩავდიოდი ეს იმ ოთახში რას აკეთებდა იმ დროს? რა როლში იყო? და მერე მე რომ ეს ვთქვი მან რაო? ამოიგმინა მაინც?

და აი მეორე მხარეს რომ ზის და გმინვაშია გულთგონხართა?

და პასუხი გაეციო და რა ვუპასუხო, რა? ან როგორ ვუპასუხო? ჩემო ორთავთვალით მაქვს ნანახი ან ორთავყურით გაგონილი თქო?

ნუ ნერვიულობთ ჩემებო, ეს ფრონტალური პერიოდული შემოტევა-კბენებ-ღრიალი მხოლოდ მაფხიზლებს და მარწმუნებს რომ ყველაფერი წესრიგშია.

აბა ერთი წუთით წარმოიდგინეთ რომ ამ ამებას მოწონდეს ის რასაც მე ვაკეთებ, რა შარში უნდა ვიყო

წავედი ფრანგ კოლეგასთან!

მეტი ნატო საქართველოში!", - წერს ხიდაშელი.

ლევან ვასაძის შეფასებით, თავდაცვის მინისტრად თინა ხიდაშელის დანიშვნა მეომრების შეურაცხყოფა იყო.

"თინა ხიდაშელი სოჭში ჩავიდა და ჩემი ყურით მოვისმინე, როცა აფხაზებს უთხრა: სულ არ მაინტერესებს საქართველო დაიბრუნებს თუ არა აფხაზეთს, ოღონდ ლიბერალური ქვეყანა იყოს. ამის მთქმელ ადამიანს საერთოდ საქართველოში დაბრუნების უფლება აღარ უნდა ჰქონდეს და გინიშნავენ რამის მინისტრად კი არა, მეომრების მინისტრად. ინფრასტრუქტურის მინისტრად მაინც დამინიშნე... ეს არის ფრონტალური შეურაცხყოფა ქართველი მეომრის, რომ ასეთი რაღაცის შემდეგ მინისტრად დანიშნეს", - აღნიშნა ვასაძემ.