29
მარტიდღის ზოგადი ასტროლოგიური პროგნოზი
ქართულ სატრანსპორტო გადაზიდვების ბაზარზე ახალი შესაძლებლობა გაჩნდა. "ლოჯისტიკსერვისმა" ტვირთების გადაზიდვების მართვის ელექტრონული პლატფორმა შექმნა. ინოვაციური ვებ პორტალი www.marbi.ge მომხმარებლებს სატრანსპორტო გადაზიდვების მართვის ოპტიმალურ გადაწყვეტილებას სთავაზობს. ვებ პორტალი ტვირთმფლობელებს საშუალებას აძლევს, მიიღონ ტრანსპორტირებასთან დაკავშირებული სწორი გადაწყვეტილებები, დაზოგონ დრო, გადაზიდვის ხარჯები და გააუმჯობესონ მიწოდების ჯაჭვის ეფექტურობა.
კომპანია "მარბი ლოჯიკმა" ტვირთების გადაზიდვების მართვის ვებ პორტალი - www.marbi.ge ოფიციალურად "თბილისი მარიოტში" 10 ივნისს წარადგინა. ღონისძიებაში მონაწილეობა 100-ზე მეტი კომპანიის ხელმძღვანელმა მიიღო ტრანსპორტის, ლოგისტიკის, ვაჭრობისა და წარმოების სექტორებიდან. წარდგენას, ასევე, ესწრებოდნენ მაღალი რანგის წარმომადგენლები სამთავრობო და საერთაშორისო ორგანიზაციებიდან.
"მარბის" პროექტის მენეჯერის, თიკო მაღრაძის ინფორმაციით, "მარბი ლოჯიკის" სატრანსპორტო ლოგისტიკური სოფტი 2015 წლის მიწურულს შეიქმნა. ამჟამად კი საიტზე უკვე 26 სატრანსპორტო კომპანია და დაახლოებით, 6-მდე ტვირთმფლობელი ოპერირებს. როგორც თიკო მაღრაძე AMBEBI. GE -სთან საუბრისას აღნიშნავს, ახალი საიტის შექმნა ბაზარზე არსებულმა მოთხოვნამ განაპირობა და ის ხელს შეუწყობს თანამედროვე ბიზნეს სექტორის განვითარებას:
"მარბი ლოჯიკის" სატრანსპორტო ლოგისტიკური სოფტი ემსახურება ტვირთმფლობელ და სატრანსპორტო კომპანიებს ტენდერების საშუალებით უზრუნველყონ ორმხრივი ურთიერთთანამშრომლობა, რაშიც მედიატორის როლს ასრულებს "მარბის" ლოგისტიკური პლატფორმა და მისი ოპერატორები. პროდუქტის დანერგვისა და განვითარების აუცილებლობა გამოიწვია ბაზარზე არსებულმა მოთხოვნამ, რაც გულისხმობს სტანდარტიზაციას, ოპტიმიზაციას და ტრანზაქციების სისწრაფეს. რაც ცალსახად მნიშვნელოვანია დღევანდელი ბიზნეს სექტორის სწორი მიმართულებით განვითარებისთვის. აღსანიშნავია, რომ საიტის უკან აღნიშნული მიმართულებით გამოცდილი ოპერატორების ჯგუფი დგას. სწორედ ეს ეხმარება მცირე თუ საშუალო ბიზნესის კომპანიებს, აწარმოონ თავიანთი მიწოდების ჯაჭვის სწორი, ეფექტიანი დაგეგმარება" - ამბობს თიკო მაღრაძე.
მისივე თქმით, ახალი პროდუქტი უკვე დაიტესტა მაღაზიათა ქსელ "საგა"-ზე და აღნიშნული კომპანიის სახით ექსკლუზიური პარტნიორიც შეიძინა: "ეს პროდუქტი უკვე დაიტესტა სამი თვის განმავლობაში, ჩვენს ექსკლუზიურ პარტნიორზე, მაღაზიათა ქსელ "საგა"-ზე. იქიდან გამომდინარე, რომ "საგა" პროექტით საკმაოდ კმაყოფილია, პროდუქტი საბოლოოდ დაინერგა ამ კომპანიასთან და ის აგრძელებს ჩვენთან თანამშრომლობას. რა თქმა უნდა, ჩვენ გვაქვს მოლაპარაკებები ახალ კომპანიებთან", - აღნიშნავს თიკო მაღრაძე.
"მარბი ლოჯიკის" ექსკლუზიური პარტნიორის, მაღაზიათა ქსელ "საგა"-ს კომერციული დირექტორის, გიორგი თაბუკაშვილის თქმით, კომპანია მარბისთან უკვე თებერვლიდან თანამშრომლობს, მისი ექსკლუზიური პარტნიორია და სატესტო რეჟიმში მონაწილეობით დიდი სარგებელი მიიღო.
"ჩვენი გადმოსახედიდან ლოგისტიკის მომავალი ბევრად უფრო ავტომატიზირებულია, ვიდრე დღეს არის. "მარბი" არის ზუსტად ის პროდუქტი და პლატფორმა, რომელიც გვაძლევს ამის რეალურ შანსს, რომ ერთ-ერთი პირველები ვიყოთ, ვინც ფეხს შეაბიჯებს მომავალში", - ამბობს გიორგი თაბუკაშვილი AMBEBI. GE -სთან საუბრისას.
www.marbi.ge-ს დახმარებით მომხმარებელს საშუალება ეძლევა მაღალი რეპუტაციის მქონე ადგილობრივი და საერთაშორისო სატრანსპორტო კომპანიებისგან ტვირთების გადაზიდვის კონკურენტული შემოთავაზებები უმოკლეს დროში მიიღოს, შეიძინოს დამატებითი ლოგისტიკური მომსახურება და დააზღვიოს ტვირთი.
"მარბის" ექსკლუზიური მზღვეველი კომპანიის "აი სი ჯგუფის" გენერალური დირექტორის მოადგილის, გიორგი შენგელიას თქმით, "აი სი ჯგუფი" ტვირთის დაზღვევას კომპანიებისთვის მაქსიმალურად მისაღები ტარიფით უზრუნველყოფს:
"ჩვენ წარმოვადგენთ ექსკლუზიურ პარტნიორს, ძალიან ბედნიერი ვართ, რომ მსგავსი პროექტი დაიწყო, ვულაცავ "მარბის" ჯგუფს ამ ძალიან კარგი ინიციატივის წამოწყებას. ჩვენ ექსკლუზიური ტარიფით ვართ შესულები, ვართ ექსკლუზიური მზღვეველები და ყველა კომპანია, რომელიც დაკავშირებულია სატრანსპორტო ლოჯისტიკასთან, ტვირთის მფლობელი იქნება თუ თავად გადამზიდავი, აბსოლუტურად ყველასთვის დიდი სარგებლის მომტანია ჩვენი თანამშრომლობა, როგორც გადაზიდვის, ასევე დაზღვევისა და დაცულობის კუთხითაც", - აღნიშნავს გიორგი შენგელია.
www.marbi.ge-ს გამოჩენა ქართულ სატრანსპორტო გადაზიდვების ბაზარზე აქტიურად შეუწყობს ხელს დარგში კონკურენციის ზრდასა და გადაზიდვების ხარისხის გუმჯობესებას, რაც დადებითად იმოქმედებს საქართველოს, როგორც კავკასიის რეგიონალური ლოგისტიკური ჰაბის ჩამოყალიბებაზე და სატრანზიტო დერეფნის კონკურენტუნარიანობის ზრდაზე.
(R)
თამარ კორკოტაშვილი
AMBEBI.GE
