დღის ფოტო: 13 ივნისის გმირი მაშველის ზურაბ მუზაშვილის ჩაფხუტი...

13 ივნისის ტრაგედიამ თბილისის დიდი ნაწილი გააერთიანა. უეცრად მოვარდნილმა წყალმა ვერეს ხეობა წალეკა, დაინგრა სახლები, ზოოპარკი და რაც ყველაზე სამწუხაროა, დაიღუპნენ ადამიანები. ახალგაზრდა ბიჭები, პატრული, მაშველი, სპორტსმენი - ყველა დაზარალებულთა გადარჩენას ცდილობდა. მათი სახით თბილისს ახალი გმირები შეემატა...

მაშველი ზურაბ მუზაშვილი ადიდებულმა ვერემ 13 ივნისის ღამეს გაიტაცა. ის სტიქიის ზონაში მუშაობდა. სანამ წყალი გაიტაცებდა, 8 ადამიანის სიცოცხლის გადარჩენა შეძლო, თავად კი ვეღარ დააღწია თავი ღვარცოფს.

დღეს, 2016 წლის 13 ივნისს, ნუცუბიძის ქუჩის მიმდებარედ არსებულ ერთ-ერთ ქუჩას ზურაბ მუზაშვილის სახელი მიენიჭება.