სომალის ტერორისტულმა დაჯგუფებამ სიკვდილით დასჯის საჯარო ჩვენება მოაწყო

სომალის ისლამისტურმა დაჯგუფება აშ-შაბაბმა სიკვდილით დასჯის საჯარო ჩვენება მოაწყო. "ბი-ბი-სი"-ს ინფორმაციით, ალ-ქაიდასთან დაკავშირებულმა ტერორისტულმა დაჯგუფებამ სიკვდილით 4 ადამიანი დასაჯა.

სასამართლომ მათ სასიკვდილო განაჩენი ამერიკის შეერთებული შტატებისა და კენიის სასარგებლოდ ჯაშუშობის გამო გამოუტანა. ექსტრემისტული დაჯგუფების წევრების განმარტებით, ბრალდებულები აშშ-ს მათი ლიდერების კვალის პოვნასა და ლიკვიდირებაში ეხმარებოდნენ.

აშ-შაბაბი სიკვდილით დასჯის საჯარო ჩვენებებს ხშირად აწყობს. გასულ წელს მათ რამდენიმე ადამიანს ბრალი ჯადოქრობაში წაუყენეს.