მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბრეჟნევის ორი ჰობი - სად უყვარდა ნადირობა და ვინ ჩუქნიდა ძვირადღირებულ ავტომობილებს საბჭოთა ლიდერს
23:04 / 06-06-2016
ყველა ადამიანს თავისი ჰობი აქვს. ზოგს ნადირობა იტაცებს, ზოგს თევზაობა, ზოგი იშვიათი წიგნების კოლექციას აგროვებს, ზოგიც - სხვადასხვა ნივთებს. მსგავსი მიდრეკილებები სახელმწიფო ლიდერებსაც აქვთ. ძლიერნი ამა ქვეყნისანი ისეთივე ადამიანები არიან, როგორც ჩვენ და საკუთარ ქვეყანასა და მსოფლიოს ბედზე ზრუნვისგან თავისუფალ დროს, საყვარელ საქმეს უთმობენ.
გართობა საბჭოთა ლიდერებსაც უყვარდათ, განსაკუთრებით კი ლეონიდ ბრეჟნევს. "გენსეკს", რომელიც მსოფლიოს ერთ-მეექვსედს 18 წლის განმავლობაში მართავდა, ორი დიდი სისუსტე ქონდა - ნადირობა და ავტომობილები.
ის არც მედლების, ორდენებისა და სახელმწიფო ჯილდოების მიმართ იყო გულგრილი. არსებული მონაცემებით, მას 114 ჯილდო ჰქონდა. ბრეჟნევი, რომელიც თბილისის საპატიო მოქალაქის ტიტულსაც ატარებდა, საბჭოთა კავშირის ოთხგზის გმირი იყო. მის გარდა სსრკ-ში გმირის ოქროს 4 ვარსკვლავის პატრონი მხოლოდ ერთი ადამიანი - მარშალი ჟუკოვი იყო.
მანქანებისადმი ბრეჟნევის განსაკუთრებული დამოკიდებულება ყველამ კარგად იცოდა. კაპიტალისტური სახელმწიფოებისგან განსხვავებით, სსრკ-ში ავტომობილების კოლექციონირება უიშვიათესი მოვლენა იყო. რიგითი საბჭოთა მოქალაქე მსგავს ფუფუნებასა და შესაძლებლობაზე არც კი ოცნებობდა.
გენერალური მდივნის კოლექციაში, რომელიც რამდენიმე ათეულ ავტომობილს ითვლიდა, მსოფლიო ავტომრეწველობის იშვიათი და საკმაოდ ძვირადღირებული ნიმუშებიც შედიოდა. 1968 წელს იტალიის კომპარტიამ ბრეჟნევს ოთხკარიანი სედანი Maserati Quattroporte აჩუქა. ერთი წლის თავზე ბრეჟნევის ავტო-კოლექცია იშვიათი ავტომობილით - Mercedes-Benz 600 Pullman-ით შეივსო. ექვსკარიანი ლიმუზინი საბჭოთა ლიდერს გერმანიის ფედერეაციული რესპუბლიკის ხელმძღვანელმა ვილი ბრანდმა უსახსოვრა. 2008 წელს ეს ავტომობილი იაპონელმა კოლექციონერმა 103,600 ევროდ შეიძინა.
ძვირფასი ავტომობილებით ბრეჟნევს ამერიკელი პრეზიდენტებიც ანებივრებდნენ. 1972 წელს სსრკ-ში ვიზიტის ფარგლებში, საბჭოთა ელჩისგან რიჩარდ ნიქსონმა შეიტყო, რომ ბრეჟნევი უკვე დიდი ხანია Cadillac Eldorado-ზე ოცნებობდა. ავტომობილი სამთავრობო დაკვეთით 3 დღეში დაამზადეს და სამხედრო სატრანსპორტო თვითმფრინავით მოსკოვში ჩაიტანეს.
ერთი წლის შემდეგ, უკვე ბრეჟნევის ამერიკაში ყოფნის დროს ნიქსონმა მას კიდევ ერთი ავტომობილი, მუქი ლურჯი - Lincoln Continental უსახსოვრა. მანქანა, რომლის სალონსაც სამახსოვრო წარწერა ამშვენებდა, ამერიკელმა ბიზნესმენებმა, პრეზიდენტის თხოვნით 10,000 დოლარად შეიძინეს. ბრეჟნევმა საჩუქარი დაუყოვნებლივ გამოსცადა. მისი პირველი მგზავრი თავად აშშ-ის პრეზიდენტი გახდა.
ბრეჟნევის კოლექცია სამ Rolls-Royce-საც ითვლიდა. მათგან ერთ-ერთი ბრიტანეთის დედოფლის საჩუქარი იყო.
საბჭოთა ლიდერის კიდევ ერთი საყვარელი საქმე ნადირობა გახლდათ. "ზავიდოვოს" ეროვნულ ნაკრძალში სპეციალურად ბრეჟნევისთვის სანადირო ადგილი იყო მოწყობილი. ადგილობრივი პერსონალი ტახების გამრავლებაზე ზრუნავდა. ბრეჟნევთან ერთად აქ სანადიროდ სხვადასხვა ქვეყნების ლიდერებიც მოდიოდნენ, მათ შორის ფიდელ კასტროც.
რა თქმა უნდა, ნადირობა დადგმული სპექტალივით იყო. ბრეჟნევი წინასწარ განსაზღვრულ პოზიციას ნადირის მოძრაობის მარშრუტზე იკავებდა და ხელსაყრელ მომენტს ელოდებოდა. მიუხედავად ამისა, სიცოცხლის ბოლომდე ნადირობა ბრეჟნევის ყველაზე საყვარელ გართობად რჩებოდა. კვირა ისე არ გავიდოდა, რომ ის მარტო ან პოლიტბიუროს რომელიმე წევრთან ერთად "ზავიდოვოში" არ გამოჩენილიყო.
მოამზადა ნუკრი მგელაძემ
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
