მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ დგას ფეისბუქ სენსაციად ქცეული "ტფილისის სტამბის" უკან
04:03 / 05-06-2016
"როგორც მოგეხსენებად, საქართველოის მთავრობა წრევანდელ წელს მრავალს თამაშობასა და სალაღობო ღონის-ძიებას აწყობს ერთის პროგრამმის ფარგლებში, რომელსაცა #ჩამოისაქართველოშიდაჰკარფეხიმიწასდასთქვიჰეაქავარო ჰქვიან. ამ პროგრამმით რამოდენიმე დღის წინად ტფილისში, დიდს საფეღბურთო მოედანზედ ცნობილმა აშუღმა ვილიანთ რუბენამ კონცერტი გაჰმართა და თავისის ჰანგებით მსმენელი გაახარა..." - ეს ერთ-ერთია იმ სახალისო პოსტებიდან, რომლითაც ფეისბუქ-საზოგადოებას ბოლო დროს ერთი იუმორისტული გვერდი "ტფილისის სტამბა" ანებივრებს.
"ტფილისის სტამბას" არც ისე ბევრი - 11 ათასი მოწონება აქვს, თუმცა მისი პოსტები ხშირად ხდება ფეისბუქში საყოველთაო მხიარულების მიზეზი. საიდან გაჩნდა გვერდის შექმნის იდეა, რატომაა ყველა პოსტი მე-19 საუკუნის ენით ამ და სხვა კითხვებით გვერდის ადმინებს - მინდია არაბულს და ნიკო ქელბაქიანს მივმართეთ:
- ფეისბუქზე არის ერთი რუსულენოვანი გვერდი - Дореволюціонный Совѣтчикъ, რომლებიც სწორედ მე-19 საუკუნის ენით წერენ თანამედროვე მოვლენებზე და "თარგმნიდნენ" ახალ სიმღერებს. თუმცა გაცილებით დიდი რედაქციაა და ამ "გადათარგმნილ" სიმღერებს კლიპებადაც წერენ ხოლმე. ორივეს ძალიან მოგვწონდა ეს გვერდი და ერთხელაც ფეისბუქში საუბრისას უცებ გადავწყვიტეთ ქართულადაც გაგვეკეთებინა მსგავსი გვერდი. ტფილისის სტამბის ადმინები, რედაქტორები, კორესპონდენტები, ფოტოგრაფები და ღამის დარაჯებიც ვართ ორი ადამიანი, მინდია არაბული და ნიკო ქელბაქიანი.
- რატომ თბილისის სტამბა?
- "ტფილისის სტამბა" , რამეთუ ვართ გვერდი, რომელიც მე-19 საუკუნის ქართული პერიოდიკის ენის იმიტაციას ცდილობს და ამავდროულად აქტუალურ საკითხებზე წერს.
- რატომ გადაწყვიტეთ გამოგეყენებინათ მე-19 საუკუნის ენა?
- მე-19 საუკუნის ენა, ალბათ, ყველაზე მოსახერხებელია სტილიზებისთვის. ეს არის პერიოდი, როდესაც ჯერ უნივერსიტეტი არაა დაარსებული და ქართული ენის გრამატიკის წესები მკაცრად არაა ჩამოყალიბებული. თუმცა, შემდეგ ეს წესები სწორედ ამ პერიოდის მწერლების სტილებით ჩამოყალიბდა და, შესაბამისად, თანამედროვე ქართულისგან ძალიან შორს არაა.
- უამრავი საინტერესო და სახალისო პოსტი გქონიათ, რომელი იყო ყველაზე პოპულარული?
- ბოლო პოსტი გამოდგა ყველაზე პოპულარული, რობი უილიამსის შესახებ. მანამდე მგონი მხოლოდ ხის გადატანის ამბავს ჰქონდა 1000-ზე მეტი მოწონება.
- საზოგადოებისაგან თუ ელოდით ასეთ რეაქციას?
- მგონი დიდად არც არაფერს ველოდით, უფრო ფორმატის მოსინჯვა გვინდოდა. "ფეიჯის შექმნა ფეიჯის შექმნისთვის" , თუმცა პირველსავე პოსტზე დიდი გამოხმაურება გვქონდა, ზაზა ფაჩულიას შესახებ. ხალხი აზიარებდა, ჰეშთეგებს უწერდა, ალბათ მაგან მოგვცა დიდი ბიძგი თავიდანვე. კომენტარების უმეტესობა ძირითადად მოიცავს ისეთ ტექსტებს, როგორებიცაა "აააააააააააააააა", "ვააააააააააიმეეეეე", "ცუდად ვააააარ" და ბევრ სმაილს. ასე რომ, არა მგონია, ვინმეს გულთან ახლოს მიჰქონდეს ჩვენდამი წყენა.
- ძალიან ბევრი იუმორისტული გვერდია, რა არის ის რითაც სხვებს კონკურენცია უწევთ?
- შეუდარებელი ქარიზმა და ვუდუ. სამომავლოდ ვაპირებთ გავაგრძელოთ, რასაც ვაკეთებთ. ასევე გეგმებში გვაქვს პოდკასტის გაკეთება და იმედია, გამოგვივა.
ლადო გოგოლაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
