9
ივნისიდღის ზოგადი ასტროლოგიური პროგნოზი
რობი უილიამსის კონცერტის შემდეგ ინტერნეტაუდიტორიას ალბათ დიდხანს ემახსოვრება ფრაზა: "ტრ*კი რომ დაგვანახა, ჩემს გვერდით ქართველი ვაჟკაცები იყვნენ და მაგრად გამიტყდა".
გოგონა, რომლის ვიდეო უტრირებული რბილი "ლ"-თი ორი დღეა, სოციალურ ქსელში ყოველი მეორე ინტერნეტმომხმარებლის "კედელზე" ზიარდება, სინამდვილეში არც რბილი "ლ"-თი საუბრობს და არც უილიამსის უკანალის დანახვით შეურაცხყოფილი "ქართველი ვაჟკაცის დაიკოა". ის თეატრ "გლობუსის" მსახიობი და ახალგაზრდა რეჟისორი ელენე ქასრაძეა, "რობისგან შეურაცხყოფილი" გოგონას კომენტარი კი მისი როლია და მეტი არაფერი.
Ambebi.ge ელენეს გაესაუბრა:
- მეგობრებთან ერთად ვიყავი, ვიხუმრე, ეს იყო იმპროვიზებული ტროლი და აღმოჩნდა, რომ ადამიანებს ასეთ დროს მაინც თავს ესხმიან. არადა, მეტყველების პრობლემის მქონეებს არ მგონია, საქმე საგინებლად ჰქონდეთ. ვთქვათ და ასეთია ადამიანი, ვიღაცას მასზე უკეთესი თავი რატომ ჰგონია, რატომ ამეტებს?! თუმცა ამ ტროლმა კარგად დაალაგა სიტუაცია - ვიღაცებმა უნებლიედ, კომენტარებში საკუთარი თავი გამოავლინეს. არადა, რა სასაცილო და უცნაურია, უბრალო ტროლი უნდა ყოფილიყო, არც ამხელა ნახვა უნდა ჰქონოდა, დიდი-დიდი საახალწლო "შუტკებში" მოხვედრილიყო, მაგრამ უცებ აღმოჩნდა, რომ მასშტაბური "პრიკოლი" დაიდო...
- ე.ი. კომენტარებში მეტყველებაც ჩაიქოლა და აზროვნებაც, ანუ განსხვავებული აზრი...
- კი, აღმოჩნდა, რომ ადამიანები ბანაკებად და ჯგუფებად თავიანთი დამოკიდებულებით შეიკვრნენ. შეხედულება და აზრები დაუფარავად გამოავლინეს. ერთ-ერთი კომენტარი, რომელიც მახსოვს, ვერ მივხვდი, მისი ავტორი რას ითხოვდა, - დამიმტკიცეთ, რომ ეს გოგო არ ხუმრობსო. დავუშვათ და ის გოგო მართლა ასეთია, რა მოხდა მერე? ასეთი ადამიანები არსებობენ. ჩემნაირებიც არიან და ვიღაცისთვის მეც პერსონაჟი ვარ, დამახასიათებელი თვისებებით და ვიღაცამ შეიძლება მომბაძოს...
- ვინ ჩაგწერა?
- კონცერტის შემდეგ ჟურნალისტი დადიოდა, ხალხს ეძებდა, რომ კონცერტზე აზრი და შთაბეჭდილება რომ გამოეთქვათ. ზოგი თავისი ნებით მიდიოდა, ზოგთან თვითონ მიდიოდა. ხომ გითხარით, მეგობრები ვიყავით და გადავწყვიტეთ, გვეხუმრა. მითხრეს, - ელენე, შენ თქვი, მაინც "სთენდაფერი" ხარო...
- ორი დღეა ყველა შენზე და რობიზე ლაპარაკობს... არადა, წესით, იმ მარიზე უნდა ელაპარაკათ, ვინც მომღერალმა სცენაზე აიყვანა.
- მარიმ სამწუხაროდ, სცენაზე ვერაფერი გააკეთა. როცა ასეთი არტისტი გეუბნება, სცენაზე ამოდი, სულ რომ დადგმული ყოფილიყო (ჯერ არ ვიცი, დადგმული იყო თუ არა), ვალდებული ხარ, რომ პატარა შოუს ელემენტები აჩვენო. თორემ მას შეყვარებული ჰყავდა და თუ ქმარი, ეს არავის გვაინტერესებდა.
- პროფესიით მსახიობი ყოფილხარ...
- დიახ, მსახიობი ვარ და სხვისი თვისებით ან ლოგიკით აზროვნება ჩემი პროფესიაა. უბრალო ტროლმა კი თავის გამოჩენის მსურველნი, განდიდების მანია გამოავლინა, ვითომ, ისეთი "მოხოდილები" ვართ, რომ იმის იქით უკვე აღარაფერია, უკანალიც არ გვაღიზიანებს. რა თქმა უნდა, ეს რობის ხუმრობა იყო, არტისტია, თავისი სამოქმედო არე აქვს, მაგრამ მე რომ რაღაც გავაკეთე, რატომ გინდა, რომ ჩამქოლო და ამის ფონზე მოაზროვნე გამოჩნდე, ბნელი გამომიყვანო?! სხვისი სიბნელით ვერ განათდები! ჯობს ყველა თავის ნათელს მიაწვეს...
- რომელი თეატრის მსახიობი ხარ?
- თეატრ "გლობუსიში" ვარ, ადრე "მეტეხის თეატრი" იყო. ამავე დროს მაგისტრატურა სარეჟისორო მიმართულებით დავამთავრე და პირველი სტენდაფერი გოგო ვარ (იუმორისტული მიმართულება). რუსთაველის 18-ში პატარა სცენაა, სადაც კარგი ექსპერიმენტები ტარდება, რაშიც აქტიურად ვმონაწილეობ. ერთი სადიპლომო ნამუშევარია, რომელიც როგორც რეჟისორმა დავდგი "ფანჯრებს იქით", დანარჩენ სპექტაკლში ვმონაწილეობ, როგორც მსახიობი.
- რას უსურვებ ადამიანებს, რომლებიც როგორც აღნიშნე, დღეს კატეგორიებად დაჰყავი?
- არაფერს, რაც უნდათ, მაინც იმას მიაღწევენ და რისი სურვილიც აქვთ, იმის გარშემო იტრიალებენ. მე რომ ვურჩიო, გამოდის, რომ ჩემი სურვილები მოვახვიო. ამიტომ, როგორც უნდათ და რა სურვილებიც აქვთ, იმ გარემოში ეცხოვროთ.
ლალი ფაცია
Ambebi.ge
