მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მამამისიც, თითქმის 40 წლისა, ავტოკატასტროფაში დაიღუპა..." - რა წინასწარმეტყველური სიზმარი ნახა დაღუპვამდე მღვდელ-მონაზონმა ბასილიმ
03:12 / 25-05-2016
17 მაისს გამთენიისას, 01:00 საათზე მტკვრის მარჯვენა სანაპიროზე, მშრალი ხიდის მიმდებარედ "ოპელის" მარკის ავტომობილი მტკვარში გადავარდა. ავტომანქანას 43 წლის მღვდელ-მონაზონი ბასილი კორტავა მართავდა. მისი ცხედარი მაშველებმა ტრაგედიიდან მეხუთე დღეს ამოიყვანეს მდინარიდან.
დაღუპული მღვდელ-მონაზონი ბოლო პერიოდში სამების ელია თეზბიტელის სახელობის ტაძარში მსახურობდა. მის შესახებ ჟურნალ "სარკეს" სამების ლავრის კეთილმოწესე, არქიმანდრიტი ისააკ ღადუა ესაუბრა: "ეს იყო ადამიანი, რომელმაც ბერობის სამივე აღთქმა - ქალწულება, უპოვარება და მორჩილება - იმდენად ზედმიწევნით შეასრულა და დაიცვა, რომ თამამად შეიძლება ითქვას, წმინდა კაცი იყო თავისი ცხოვრებით, თავისი აღსარებით.
...მამა ბასილი მონასტერში ცხოვრობდა. რაც იქ მოვიდა, მონასტრის გარეთ ერთი ღამეც არ გაუთენებია. იმ საღამოს გამონაკლისი შემთხვევა იყო, მოსვლა დააგვიანდა. ღამის პირველი საათი ხდებოდა, როცა მონასტრისკენ მოდიოდა. სახლის კურთხევაზე წასულა. ერთი ახლობელი ჰყავდა, გაჭირვებული ოჯახი იყო, რომლის სახლიც უნდა ეკურთხებინა. მამა ბასილს ერთ-ერთი მეგობრისთვის უთქვამს, ოჯახს წინასწარ რომ ვუთხრათ, შეწუხდებიან, ამიტომ ისე მივიდეთ, ვაკურთხოთ და გავახაროთო. მოულოდნელად მიადგნენ, სახლი აკურთხეს. ჩვენ ვიკითხეთ, სუფრა ხომ არ იყო, ხომ არ დაჯდა, ხომ არ დალია-თქო. გვიპასუხეს, არა, ისე გააკეთა ყველაფერი, ვერაფერი მოვასწარითო. იქ მისი რამედნიმე მეგობარი ერისკაციც ყოფილა... მამა ბასილი თურმე მთელი საღამო იმაზე საუბრობდა ბერად როგორ აღიკვეცა, როგორ იცხოვრა... უთქვამს, წუხელ უცნაური სიხმარი ვნახეო, მთაწმინდაზე მამადავითის ტაძარში ვიყავი, რაღაც ადგილი მომიჩინეს, შენი ადგილი აქ იქნებაო. წვიმდა, ვსველდებოდი და ვფიქრობდი, ამ წვიმაში რატომ ვარო. მამები ცალკე იდგნენ, მშრალები ივნენ, არ სველდებოდნენ. მარტო მე ვსველდებოდი და მიკვირდა, ეს ადგილი მე რატომ მომიჩინესო. იმ საღამოს რამდენიმე საათში წყალში გადავარდა" - იხსენებს ინტერვიუში არქიმანდრიტი ისააკი.
მისივე თქმით, მამა ბასილი ობლობაში იყო გაზრდილი, მამა მცირე ასაკში დაეღუპა და დედამ გაზარდა: "მამამისიც თითქმის 40 წლის იყო, როცა ავტოკატასტროფაში დაიღუპა. მამა ბასილი ობლობაში იყო გაზრდილი. ამბობდა, მამაჩემის მკვლელს ვაპატიეთ, ვინც დაეჯახა, ციხეში არ ჩავსვითო. ბავშვობიდან კეთილი თვისებები ჰქონდა, ადამიანის შენდობა, პატიება შეეძლო. თავმდაბალი, საუკეთესო ბერი იყო ჩვენს საძმოში".
ეკა ლემონჯავა
ჟურნალი "სარკე"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
