მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პოლიციაში ისიც მკითხეს, ბავშვი თქვენ ხომ არ გაყიდეთო..." - ატენის ხეობიდან გაუჩინარებულ 4 წლის ბიჭუნას მეოთხე დღეა ეძებენ
08:58 / 23-05-2016
ტყე, მდინარე, სოფლის ძველი შენობები - ატენის ხეობის ერთ-ერთი სოფლის მოსახლეობა უკვე მეოთხე დღეა ყველგან დაეძებს გაუჩინარებულ 4 წლის ბიჭუნას. რამაზ ჯ. ბოლოს სახლიდან ორასიოდე მეტრის დაშორებით, სოფლის ცენტრში, თანატოლებთან და უფროს ძმასთან, 5 წლის თამაზთან ერთად ნახეს. 20 მაისის შუადღის შემდეგ ბიჭუნა გაუჩინარდა. ამ დღეს, სოფელი დღეობას აღნიშნავდა, შესაბამისად, სტუმრებიც და მასპინძლებიც შეზარხოშებულები იყვნენ, თუმცა, ბავშვის დაკარგვის ამბის გახმაურებისთანავე, მიმდებარე ტყეებსა და მდინარე ტანას ნაპირებზე მთელმა სოფელმა ბავშვის ძებნა დაიწყო. სამძებრო ღონისძიებებში მალევე ჩაერთო პოლიცია და სამაშველო სამსახური, თუმცა, ბავშვის კვალს ვერსად მიაგნეს. შსს-ს პრესსამსახურში AMBEBI.GE-ს განუცხადეს, რომ 4 წლის ბავშვის გაუჩინარებასთან დაკავშირებით, გამოძიება საქართველოს ს/ს კოდექსის 143-ე მუხლის პირველი ნაწილით მიმდინარეობს, რაც გულისხმობს თავისუფლების უკანონო აღკვეთას.
AMBEBI.GE-სთან საუბარში სოფლის მოსახლეობა რამდენიმე ვერსიაზე საუბრობს, თუმცა, დაბეჯითებით ვერაფერს ამბობენ.
ზურაბ ჯ, დაკარგული ბავშვის მამა: "უმძიმეს მდგომარეობაში ვართ, სადაც კი შეიძლებოდა, აბსოლუტურად ყველგან ვეძებეთ, მაგრამ არანაირი კვალი არ ჩანს. პატარა ბავშვია, სახლიდან მარტო არსად გადიოდა, გაუჩინარების დღესაც, ძმასთან და მეზობლის ბავშვებთან ერთად იყო სახლთან ახლოს. ვერც ტყეში წავიდოდა, ვერც მდინარეზე, ერთადერთი მოსაზრება გვაქვს, რასაც ჩემი უფროსი შვილის, თაზოს მონაყოლი გვიმყარებს, ბავშვი ამბობს, რომ წითელმა მანქანამ გაიარა, გააჩერა, რამაზს წელზე მოხვია ხელები, მანქანაში ჩასვა და ბოშურის ხეობის მიმართულებით წავიდა მანქანა, ვფიქრობთ, რომ ბავშვი ვიღაცამ მოიტაცა".
იგივე ვერსია აქვს დაკარგული რამაზის ბებიასაც: "მართალია, ძალიან გვიჭირს, მაგრამ ჩვენ ვიკლებდით ლუკმას, რომ ბავშვებს საკვები ჰქონოდათ, არ არის მოხეტიალე ბავშვი, ხელჩაკიდებული გავზარდეთ, სულ ეზოში თამაშობდა. ტყეში რომ გასულიყო და რამე ნადირს გადაჰყროდა, კვალს ხომ მაინც მივაგნებდით, არც მდინარეზე ჩავიდოდა, კიდეც რომ ჩასულიყო მდინარეზე, იმ წუთიდან ვეძებთ და ან ცოცხალს ან მკვდარს სადმეს მაინც მიაკვლევდნენ. უფროსმა შვილიშვილმა ფერების ცნობა არც იცის, წითელი ფეხსაცმელი ეცვა და ასე მიგვანიშნა - ამ ფერის მანქანა გაჩერდა გზაზე და რამაზი კაცმა წაიყვანაო", - ამბობს დაკარგული ბავშვის ბებია ლიდა ჯ.
სოფლის თავშეყრის ადგილზე შეკრებილებს ვერსიებზე საუბარი უჭირთ, დაბეჯითებით მხოლოდ იმას ამბობენ, რომ ბავშვი ნაკლებკონტაქტური იყო და დამოუკიდებლად არსად დადიოდა, შესაბამისად, ტყესა და მდინარეზე წასვლასაც გამორიცხავენ: "პოლიციასთან და სამაშველო სამსახურთან ერთად, მეოთხე დღეა ჩვენც ვეძებთ, მაგრამ არანაირი კვალი არ ჩანს, ამ სოფელში დავბერდი და ასეთი რამ არასდროს მომხდარა, ჩვენც ძალიან გვაინტერესებს რა ხდება რეალურად, სად გაქრა ბავშვი, ნემსი ხომ არ არის, რომ დაიკარგოს", - აცხადებს ადგილობრივი ელგუჯა ქ.
სამართალდამცავები გამოძიების ვერსიებზე არაფერს ამბობენ, დაკარგული ბიჭუნას მამამ კი, AMBEBI.GE-სთან საუბრისას ისიც გაამხილა, რომ გამომძიებელმა დაკითხვისას ეჭვი შეიტანა, მშობლებმა ხომ არ გაასხვისეს ბავშვი: "ესეც მკითხეს პოლიციაში, ბავშვი თქვენ ხომ არ გაყიდეთო, რა საშინელებაა, მშობელმა შვილი როგორ უნდა გაყიდოს, ეს როგორ უნდა იფიქროს ვინმემ. პირველი მეუღლეც მყავდა, შვილი არ გაგვიჩნდა, ახლა კი, ღმერთს მადლობას ვწირავ, რომ სამი შვილი მომცა, მართალია ძალიან გვიჭირს, მაგრამ მუდმივად ვწვალობ, რომ ჩემს პატარებს საჭმელი მაინც ჰქონდეთ. ჩვენი ოჯახი ეთნიკურად ოსური წარმომავლობისაა, 90-იან წლებში მომხდარი დაპირისპირების და დევნისას, იძულებულები გავხდით, ორჯონიკიძეში წავსულიყავით, მაგრამ იქ დიდხანს ვერ გავძელით და ხუთ წელიწადში უკან დავბრუნდით, ეს მიწური სახლი შევიძინეთ და აქ ვცხოვრობთ".
მომხდარის გამო დაკარგული ბიჭის ოჯახში მყოფი კიდევ ორი მცირეწლოვანი - 1,5 და 5 წლის ბავშვები სოციალური მომსახურების სააგენტოს მუშაკებმა სახლიდან დროებით გაიყვანეს, ბავშვების ბებია და მშობლები რამაზის ადგილსამყოფელის დადგენამდე პატარების შინ დაბრუნებას ითხოვენ: "ვეხვეწებით ყველას, მთავრობას, სოციალურ სააგენტოს, დაგვიბრუნოს ჩვენი პატარები, ისედაც საშინელ მდგომარეობაში ვართ რამაზის დაკარგვის გამო და ახლა სულ დაცარიელდა სახლი, პატარას, რეზოს ძუძუს აწოვებდა დედა და ასე გამოგლიჯეს ხელიდან, დაგვეხმარეთ, ვინმემ მოგვხედეთ", - ამბობს დაკარგული ბიჭის ბებია.
შიდა ქართლის სოციალური მომსახურების სააგენტოს სოციალური მუშაკი დაკარგული ბიჭის ოჯახში პოლიციიდან შეტყობინების მიღების შემდეგ მივიდა. მაგდა ჯამბრიშვილის თქმით, სახლში უმძიმესი პირობები დახვდათ:
"მამა ტყეში იყო წასული თანასოფლელებთან ერთად ბავშვის საძებნად, დედა ფიზიკურად კი იმყოფებოდა სახლში, მაგრამ უშუალოდ ბავშვების გვერდით არ იყო, მისი ქცევა შეუსაბამო და არაადეკვატური ჩანდა, ბებიაც მოგვიანებით დაბრუნდა და მომხდარის გამო შოკურ მდგომარეობაში იმყოფებოდა. ჩვენ რამდენიმე საათის განმავლობაში ვიმყოფებოდით ოჯახში, თუმცა, არავინ გამოჩნდა ისეთი, ან მეზობელი, ან ნათესავი, ვინც ბავშვების მეთვალყურეობის სურვილს გამოთქვამდა, მზრუნველობას აიღებდა ბავშვებზე, შესაბამისად, მივიღეთ ამგვარი გადაწყვეტილება. მინდა ხაზგასმით აღვნიშნო, რომ ოჯახის სიღარიბის გამო არ გამოგვყავს ბავშვები, ეს ღონისძიება დროებითი გახლავთ, ორი ბავშვი, წლინახევრის რევაზი და 5 წლის თამაზი იმ მომენტში იმყოფებოდნენ არაადეკვატური მეთვალყურეობის ქვეშ, მიზანშეწონილად ჩავთვალეთ, რომ ბავშვები დროებით გაგვეყვანა გადაუდებელ მიმღებ ოჯახში. მას შემდეგ, რაც ოჯახში სიტუაცია დარეგულირდება, მოწესრიგდება, გამოჩნდება დაკარგული ბავშვიც და ზრუნვით უნარებს დაგვანახვებენ სამომავლოდ, დაბრუნების საკითხზე ვიმსჯელებთ. მამას ავუხსენით მდგომარეობა და ის, თუ რატომ გაგვყავდა ბავშვები ოჯახიდან, ვთხოვეთ, აეხსნა მეუღლისთვისაც და დედისთვისაც, პატარები ძალდატანებით არ გამოგვიყვანია, ნებაყოფლობით გადმოგვცეს, თუმცა, მოგვიანებით ბავშვების დედას ჰქონდა საკმაოდ მწვავე რეაქცია. გეტყვით იმას, რომ ორივე პატარა თავს ნორმალურად გრძნობს, კარგად არიან, მოვლილები არიან და მათზე ზრუნავენ", - განაცხადა შიდა ქართლის სოციალური მომსახურების სააგენტოს სოციალურმა მუშაკმა მაგდა ჯამბრიშვილმა.
4 წლის რამაზის ძებნის დაწყებიდან უკვე 72 საათი გავიდა.
ია თინიკაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
