მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სანამ მკვლელი არ დაისჯება, არ გავჩერდებით" - შს მინისტრის მოადგილე ხურჩაში მომხდარ დანაშაულზე
04:21 / 22-05-2016
შს მინისტრის მოადგილის არჩილ თალაკვაძის განცხადებით, საქართველო ყველა ყველა საერთაშორისო თუ ადგილობრივ მექანიზმს გამოიყენებს, რათა ხურჩაში მომხდარი ფაქტი დაუსჯელი არ დარჩეს, - ამის შესახებ შინაგან საქმეთა მინისტრის მოადგილემ ტელეკომპანია "იმედის" პირდაპირ ეთერში განაცხადა.
თალაკვაძის ინფორმაციით, პროკურატურა სასამართლოს მალე მიმართავს მომხდარში დამნაშავეზე საერთაშორისო ძებნის გამოცხადების თაობაზე და რაშიდ კანჯიოღლის ძებნა საერთაშორისო მასშტაბითაც დაიწყება.
"მინდა, სამძიმარი ვუთხრა გიგა ოთხოზორიას ოჯახს, ეს არის ნამდვილად ტრაგიკული შემთხვევა. კიდევ ერთი უდანაშაულო მსხვერპლი იმ უსამართლობის, რაც ხდება ოკუპირებულ ტერიტორიებზე. სანამ მკვლელი არ დაისჯება, ჩვენ არ გავჩერდებით, გამოვიყენებთ ყველა საერთაშორისო თუ ადგილობრივ მექანიზმს, რომ ეს ფაქტი არ დარჩეს დაუსჯელი. იცით, რომ შსს-მ დაიწყო გამოძიება დაუყოვნებლივ და სუს-ის კონტრდაზვერვის დეპარტამენტის დახმარებით უმოკლეს დროში დაადგინდა სავარაუდო მკვლელი. რაშიდ კანჯიოღლი პასუხისგებაში მისცა პროკურატურამ 108-ე და 236-ე მუხლებით, ასევე, დამატებით უნდა გითხრათ, რომ სულ მალე პროკურატურა მიმართავს სასამართლოს ძებნის თაობაზე და საერთაშორისო მასშტაბითაც დაიწყება ამ ადამიანის ძებნა. ეს ადამიანი უკვე მიეცა პასუხისგებაში. მას ბრალი დაუსწრებლად წარედგინა და დარწმუნებული ვარ, მასთან მიმართებაში მართლმსაჯულება აუცილებლად აღსრულდება. ჩვენ ვთანამშრომლობთ საერთაშორისო თანამეგრობასთან, ასევე, ვთანამშრომლობთ ევროკავშირის მონიტორინგის მისიასთან და გვაქვს შიდა ეროვნული მექანიზმები, რომელიც ჩვენს ტერიტორიაზე მომხდარი დანაშაულის აღკვეთას და მის დასჯას ითვალისწინებს", - განაცხადა არჩილ თალაკვაძემ.
შს მინისტრის მოადგილე ასევე განმარტავს, რომ ხურჩაში მომხდარი შემთხვევა ერთადერთი არაა და მსგავსი შემთხვევები წარსულშიც ხდებოდა. არჩილ თალაკვაძემ 2007-2012 წლებში მომხდარი კონკრეტული მაგალითებიც მოიყვანა. აქვე შს მინისტრის მოადგილემ აღნიშნა, რომ შს სამინისტროს დანაყოფების მიერ პატრულირება შესუსტებული არ არის. "შს სამინისტროს დანაყოფების მიერ პატრულირება არათუ შესუსტებული, პირიქით – გაძლიერებულია. ოკუპირებულ ტერიტორიაზე და გარკვეულ ზონებში, ევროკავშირის მონიტორინგის მისიასაც კი არ უშვებენ, მიუხედავად იმისა, რომ ამასთან დაკავშირებით საერთაშორისო შეთანხმებები თავის დროზე იყო მიღწეული. სამწუხაროდ, არც ქართულ მხარეს და არც საერთაშორისო ორგანიზაციებს არ აქვთ საშუალება, გააკონტროლონ სიტუაცია ოკუპირებულ ტერიტორიაზე. ეს ინციდენტი კიდევ ერთხელ გვაჩვენებს, რომ იქ სიტუაცია არის უკონტროლო. ასეულობით პოლიციელი პატრულირებს ე.წ. ადმინისტრაციულ საზღვართან და რომ არა ჩვენი დანაყოფების პატრულირება ამ ხაზებთან, შესაძლოა, მეტი ინციდენი მომხდარიყო", – განაცხადა თალაკვაძემ ტელეკომპანია "იმედის" ეთერში.
მისივე თქმით, თუ საგუშაგოების დამატება გახდება საჭირო, ძალოვანი უწყება მზად არის, წარმომადგენლობა კიდევ უფრო გაზარდოს. ამასთან, შს მინისტრის მოადგილის ინფორმაციით, სუს-ის ძალისხმევით, აფხაზეთის მიმართულებით ინციდენტების პრევენციისა და მათზე რეაგირების მექანიზმების პირველი შეხვედრა უახლოეს მომავალში გაიმართება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰო, სულ მაგაზე ფიქრობ შე ჩარუმ შალახო!