ინტერნეტში ვრცელდება აფხაზი მამაკაცის ფოტო, რომელმაც სავარაუდოდ, ხურჩაში, საოკუპაციო ხაზთან გიგა ოთხოზორია მოკლა. აღნიშნული პიროვნება 29 წლის რაშიდ კანჯი-ოღლია. მას ერთ-ერთ სოციალურ ქსელში საცხოვრებელ ადგილას აფხაზეთი, ტყვარჩელი აქვს მითითებული.
გარდაცვლილი გიგა ოთხოზორია ზუგდიდში, საკუთარ სახლში უკვე გადაასვენეს. ცხედარს წუხელ გვიან ღამემდე ქუთაისის პროზექტურაში ექსპერტიზა უტარდებოდა. მკვლელობა საოკუპაციო ხაზთან გუშინ, შუა დღეს მოხდა.