მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რა მოხდა მერე, თუ ყიფშიძეების გოგო ბაზარში დადის?!" - ლენუკა ყიფშიძე ოჯახის ფინანსურ მდგომარეობაზე
01:36 / 20-05-2016
"ზოგს შერცხვებოდა და არ იტყოდა. ორი თვეა, სტრესშია მთელი ჩემი ოჯახი, შემოსავალი ნაკლებად არის და ყველა სათითაოდ, მამა, დედა, ძმა, მე, ჩემი შვილი, ყველა სტრესში ვართ...", - მოდელმა ლენუკა ყიფშიძემ "ეკა ხოფერიას შოუში" ყიფშიძეების ოჯახში არსებულ ფინანსურ მდგომარეობაზე ისაუბრა და აღნიშნა, რომ ხელოვანებს ეს სირთულეები ხშირად უჩნდებათ, რაც სერიოზულ მატერიალურ პრობლემებს ქმნის და გარკვეულ სტრესსაც იწვევს.
ლენუკას ამ გამოსვლამ საზოგადოების დიდ ნაწილში გაკვირვება და ერთგვარი აჟიოტაჟიც გამოიწვია. ცნობილი ოჯახის წარმომადგენელს კი ის უკვირს, მისმა გულწრფელმა სიტყვებმა საზოგადოების ნაწილი ასე რატომ გააოცა: "ჩემმა ნათქვამმა ეკა ხოფერიას შოუში დიდი აჟიოტაჟი გამოიწვია, არადა, რა გასაკვირია, დღესდღეობით, ამ ქვეყანაში, 5-10 პროცენტია, ვინც კარგად ცხოვრობს. სამუშაო რომ არ არის და ხალხი ნორმალურად რომ ვერ ცხოვრობს, ამიტომაც არის ამდენი გაჭირვებული ადამიანი. ვთქვი, რომ სახლში 8 კაცი ვართ, შემოსავალი და სამუშაო არ არის-მეთქი. დიახ, განსაკუთრებით უჭირთ ხელოვანებს, ჩვენი ოჯახიც ხელოვნებას ემსახურება... როდესაც მამაჩემი რუსეთში გადაღებაზე დადიოდა, აქა-იქ, ვიღაცების ლაპარაკი მესმოდა, რუსეთში მიდის? ღალატობს სამშობლოს? რუსეთთან კავშირი აქვს? რა კავშირზე იყო ლაპარაკი, არ ვიცი, კაცი მსახიობია და ფილმში იღებდნენ... მერე რაღაც პერიოდი, აქ ერთ-ერთი ტელევიზიით ისტორიული თემატიკის რუსულენოვანი გადაცემა მიჰყავდა, ვიღაცები მაშინაც ალაპარაკდნენ: რუსებთან არის შეკრული?
- საზოგადოებას რა უკვირს, ის, რომ საჯაროდ ლაპარაკობ ფინანსურ პრობლემებზე, თუ ის, რომ ყიფშიძეების ოჯახს ცხოვრება უჭირს?
- ალბათ, ერთიც და მეორეც... ძალიან მიყვარს ბაზარში დედასთან ერთად სიარული, რაზეც აგრეთვე მომისმენია, რა, ბაზარში თქვენ დადიხართ?! კი, ჩვენ დავდივათ და რა არის ამაში გასაკვირი? მოახლით უნდა ვიაროთ? მაოცებს, ასეთი აზრები და კითხვები რატომ უჩნდებათ ადამიანებს. რას ნიშნავს, რა მინდა ბაზარში? რა მოხდა მერე, თუ ყიფშიძეების გოგო ბაზარში დადის?! სირცხვილია? ბაზარი რისთვის არის? ვარ ჩვეულებრივი, რიგითი ადამიანი, რომელიც ისევე ცხოვრობს, როგორც ყველა. ხან "მარშრუტკით" ვიმგზავრებ და ხან - მანქანით, ვიყიდი პროდუქტს და სახლში მოვიტან...
ამჟამად ისე ხდება, რომ მამაჩემისა და ჩემი ძმის კისერზე ვართ, ქალები ოჯახში ვერ ვმუშაობთ... მე და დედას 2 წლის წინ სერიოზული ოპერაცია დაგვჭირდა (ანევრიზმა აღმოგვაჩნდა) და ამანაც გამოიწვია ჩვენი უმუშევრობა. მოკლედ, გამოდის, რომ მამაკაცები ინახავენ ოჯახს. თუმცა, ხშირად მე, დედა, ჩემი რძალი დავსხდებით და ვფიქრობთ, როგორ გავიტანოთ თავი, იდეები გვაქვს, მაგრამ ჯერჯერობით არ გამოგვდის.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
