მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შერჩევითი პატრიოტიზმი შოუბიზნესში - რუსული კარიერის გამო, "გაღმერთებული" და "ჩაქოლილი" ქართველი სელებრითები
06:17 / 18-05-2016
რუსეთში სიმღერის გამო ქართველ მომღერლებს ხშირად აკრიტიკებენ. კრიტიკოსებს შორის ცნობილი ადამიანებიც არიან. თუმცა კრიტიკა ზოგიერთ შემთხვევაში შერჩევითია, კერძოდ, მეგობრებს რუსეთში სიმღერის გამო არ აკრიტიკებენ. ისეთი მომღერლებიც გვყავს, რომლებიც გმობენ ყველაფერს რუსულს, მაგრამ იმ შემთხვევაში, თუ კონცერტზე "დიდ რუსეთში" მიიწვევენ, სიამოვნებით მღერიან.
ბოლოს ასეთი თავდასხმა ტრიო "მანდილზე" მოაწყვეს, გოგონების კარიერა სოფლის გზაზე გადაღებული ვიდეოსელფით დაიწყო და მათი წარმატება საქართველოს ფარგლებს გაცდა. ისინი რუსეთში მოღვაწეობენ, მათ გამოჩენას რუსულ შოუებში დიდი კრიტიკა მოჰყვა და ამ შემთხვევაში კრიტიკოსებს ნამდვილად ვერ გაამტყუნებ, რადგან გოგონები მათ ოფიციალურ ფეისბუქ-გვერდზეც კი რუსულად წერდნენ თავიანთი წარმატებების შესახებ. ამის გამო მათ კომენტარებში ბევრი შენიშვნა მისცეს, რის შემდეგ თავიანთ მსმენელს რუსულად, ინგლისურად და ქართულად აცნობენ თავიანთ წარმატებებს.
კრიტიკის ქარცეცხლში გაატარეს ჯგუფი "მგზავრები". ისინი წლებია უკრაინაში და რუსეთში წარმატებით მოღვაწეობენ. ჰყავთ უამრავი გულშემატკივარი, 9 აპრილს სანკ-პეტერბურგში დაგეგმილმა "მგზავრების" კონცერტმა ქართული საზოგადოების ერთი ნაწილი აღაშფოთა, ბიჭები უამრავი არასასიამოვნო ეპითეტით შეამკეს, თუმცა 9 აპრილს სანკ-პეტერბურგში გამართულ კონცერტზე გიგი დედალამაზიშვილმა ემოციური სიტყვა თქვა და რუს მსმენელს 25 წლის წინ, 9 აპრილის ღამეს მომხდარი ტრაგედიის შესახებ მოუყვა, რის შემდეგაც იმ ღამით დაღუპულ ქართველ გმირებს რუსებთან ერთად წუთიერი დუმილით პატივი მიაგო. ბევრმა ამის გამო "მგზავრების" კრიტიკა უკან წაიღო, რადგან ეს ჯგუფი იყო პირველი, ვინც რუსულ სცენაზე ამის გაკეთება შეძლო. ვნებათაღელვა შეწყდა, თუმცა მაინც აღმოჩნდნენ ისეთი "პატრიოტები", ვინც ჯგუფს ქმედება იმის გამო დაუწუნა, რომ ემოციურ გამოსვლაში გიგი დედალამაზიშვილმა რუსეთი არ ახსენა.
ქეთა თოფურია წლებია რუსეთში წარმატებით მოღვაწეობს. როცა საკუთარი კარიერის გასაგრძელებლად რუსეთში წავიდა, სრულყოფილად რუსულიც არ იცოდა, მაგრამ იქაურ შოუ-ბიზნესს მალე აუწყო ფეხი და დღეს " ა სტუდიოსთან" ერთად რუსულ ესტრადაზე წარმატებით მოღვაწეობს. 2010 წელს 9 მაისს, რუსეთში გამართული კონცერტის გამო მომღერალი ლამის ქვეყნის მტრად გამოაცხადეს, იყვნენ ისეთები, ვინც ამბობდა ქეთას იმ კონცერტზე რომ ემღერა, დააშანტაჟეს, ციხიდან მამამისის გამოსვლას დაპირდნენ და კონცერტზე ამიტომ იმღერაო. თავად მომღერალმა რამდენიმე თვის წინ ერთ-ერთ ინტერვიუში განაცხადა, რომ ამ კონცერტზე გამოსვლის გამო, სააკაშვილმა ლამის თმები დამაპუტაო. იყო პერიოდი, როცა ქეთა საქართველოში საერთოდ აღარ ჩამოდიოდა, მისი კონცერტები ჩვენთან აკრძალული იყო, თუმცა ვნებათაღელვამ გადაიარა და დღეს კონცერტებსაც ატარებს და ადრინდელივით ქართული შოუების სასურველი სტუმარია.
თეონა კონტრიძე წლებია რუსეთში მოღვაწეობს, მაგრამ მას ოკუპანტის ქვეყანაში სიმღერის გამო არავინ აკრიტიკებს. მათ შორის არც ის ცნობილი ადამიანები, ვინც "მგზავრებს", ქეთა თოფურიას და სხვა ქართველ მომღერლებს, იგივე სცენაზე სიმღერის გამო, ლამის მოღალატეს ეძახის. მათ შორის არც ნანუკა ჟორჟოლიანი და ნიკა გვარამია არ აკრიტიკებს, რომლებიც სხვებს, რუსეთში მოღვაწეობის გამო, მკაცრი კრიტიკის ქარცეცხლში ატარებენ. თეონას ამის გამო ძირითადად ხალხი აკრიტიკებს, რასაც რამდენიმე წლის წინ მიცემულ ერთ-ერთ ინტერვიუში ასეთი პასუხი გასცა: "რომ ამბობენ, საქართველოსთვის იმდენი არ გაუკეთებია, რამდენიც პარტიული რუსეთისთვისო, სხვათა შორის, საქართველოსაც არ გაუკეთებია ჩემთვის იმდენი, რაც პარტიულ რუსეთს... 20 წლის განმავლობაში, პირველად ვმუშაობ საქართველოში და ხორცები დამაგლიჯა ხალხმა, სვავებივით იქცევიან. რუსეთში აგრესია კი არა, მლოკავს ხალხი".
რამდენიმე დღის წინ, სოფო ნიჟარაძის და მაია დარსმელიძის თავდასხმის ობიექტი გახდა რუსეთში მცხოვრები მომღერალი გიგა კვენეტაძე. მომღერლების დაპირისპირება "ევროვიზია 2016"-ის შედეგებმა გამოიწვია. დაპირისპირება მომღერლებს შორის დარსმელიძის პოსტზე მიწერილ კომენტარებში წარმოიშვა. "დიახ, პოლიტიკური კონკურსია ევროვიზია და ევროპამ ხმა მისცა უკრაინას, ჯამალას, სიმღერით ყირიმზე... რუსეთს კი "კრიმ ნაშ" არა - იხვის ტოლმაო, უთხრა. Congrats to Ukraine!!" - დაწერა დარსმელიძემ პირად გვერდზე, რასაც რუსეთში მოღვაწე მომღერლისა და კომპოზიტორის გიგა კვენეტაძის კომენტარი მოჰყვა: "ეს პოლიტიკოსებმა! და ევროპელმა ხალხმა რა უთხრა? პასუხი: კრიმი და სევასტოპოლი რუსეთია და დაანებეთ ერთი ადგილის თამაშს თავიო". ამან ნიჟარაძე გააღიზიანა და დაწერა, რომ რუსეთის მონები აღიზიანებს. მაია დარსმელიძემ კი გიგა კვენეტაძეს დაუწერა, რომ მან პატრიოტიზმი "ა სტუდიოს" სიმღერებში გაცვალა.
ყველასათვის საყვარელ მუსიკოს ნინო ქათამაძეს უკრაინაში და რუსეთში წარმატებული კარიერა აქვს. ის ხშირად მართავს კონცერტებს რუსეთში, მაგრამ ამის გამო არავის გაუკრიტიკებია. 25 მარტს რუსეთში ნინო ქათამაძის და "ინსაიდის" ალბომის პრეზენტაცია გაიმართა, რომელიც ანშლაგით ჩატარდა, მაგრამ ის ამის გამოც არავის გაუკრიტიკებია.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
