მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მთელი სვანეთი ფეხზე დგას" - სოფელ იელში სვანები ოქროს მომპოვებელი კომპანიის წინააღმდეგ გამოდიან
09:53 / 10-05-2016
სვანეთში, სოფელ იელში, ჩინური კომპანია "ოპტიკალ სისტემსის" წარმომადგენლობამ, ოქროს მოპოვებისთვის ტექნიკური სამუშაოები დაიწყო, რამაც ადგილობრივი მოსახლეობის პროტესტი გამოიწვია. სოფელში აქცია გაიმართა, ადგილობრივებმა სამუშაოების დაუყოვნებლივ შეწყვეტა მოითხოვეს და კომპანიის თანამშრომლებს ტერიტორია დაატოვებინეს. როგორც AMBEBI.GE-ს აქციის ერთ-ერთმა მონაწილემ ხვიჩა ჩართოლანმა განუცხადა, კომპანიამ, რომელიც სამუშაოებს აწარმოებს, სინჯის აღებისთვის ლიცენზია 2005 წელს მიიღო. მისივე თქმით, აღნიშნულ კომპანიას არ გააჩნია მოპოვებითი სამუშაოებისთვის საჭირო ლიცენზია. ოქროს მოპოვებისთვის ტექნიკური სამუშაოები იელში ორი კვირის წინ დაიწყო. ადგილობრივები აცხადებენ, რომ ჩატარებული სამუშაოების გამო გადათხრილია დიდი ტერიტორია, გაიკაფა ხეები. იელის მკვიდრნი ირწმუნებიან, რომ სამუშაოების წარმოების მიზნით კომპანიამ გამოიყენა გარკვეული ქიმიური ნივთიერებები.
"შევიკრიბეთ მთელი სვანეთიდან, აქ არის სვანეთის ყველა სოფლის მოსახლეობა. ორი კვირის შემოსულებიც არ არიან და გადათხრილია მთელი ტერიტორია, ტყე გაკაფეს, ზოგ ადგილას 15 მეტრის სიღრმეზე აქვთ ორმოები ამოთხრილი. მთელი სვანეთი ფეხზე დგას, ჩვენ აქ სვანეთის სიყვარულის გამო შევიკრიბეთ. სოფელ იელით დაიწყეს და მთელ სვანეთში ამგვარი სამუშაოების ჩატარებას გეგმავენ. რიგორც ვიცი, მათ არც ოქროს მოპოვებისთვის საჭირო ლიცენზია გააჩნიათ, აქვთ მხოლოდ სინჯის აღებისთვის საჭირო ლიცენზია, რომელიც 2005 წელს მიიღეს. იყენებენ ქიმიურ ხსნარებს, რაც საფრთხეს უქმნის ბუნებას და ადგილობრივ მოსახლეობას. ისეთი სუნია, რომ აქ გაჩერებაც შეუძლებელია. ადგილზე რომ მოვედით, კომპანიის თანამშრომლებმა დაუყოვნებლივ დატოვეს ტერიტორია, ტექნიკაც გავაყვანინეთ და მათ შემოსვლას აღარ დავუშვებთ", - განაცხადა ხვიჩა ჩართოლანმა.
ადგილობრივები აცხადებენ, რომ იმ ტერიტორიაზე, სადაც "ნენსკრა-ჰესი" უნდა აშენდეს, სამუშაოების წარმოების დროს დიდი რაოდენობით ოქროს მარაგი აღმოაჩინეს, რის გამოც ტერიტორია დაილუქა და ჰესის მშენებლობა შეწყდა. "ესენი მთელ ენგურის ხეობას მოედებიან, "ნენსკრა ჰესზეც" შეწყვიტეს მუშაობა, იმის გამო, რომ იქაც ოქრო უპოვიათ და დალუქეს მთელი ტერიტორია, ამჟამად კი იქ ოქროს მოპოვებაზე წილების გადანაწილება მიმდინარეობს", - განაცხადა ხვიჩა ჩართოლანმა.
რაც შეეხება, კომპანია "ოპტიკალ სისტემსს", მათ წარმომადგენელთან დაკავშირება ვერ შევძელით. კომპანიის შესახებ საკონტრაქტო ინფორმაცია საჯარო რეესტრში არ მოიპოვება და არც ადგილობრივებს აქვთ მათთან წვდომა.
ლაშა ჯაფარიძე
AMBEBi.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
