მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ალეკო ელისაშვილის დაკავების კადრები და მანქანაზე გაწოლილი ნატა ფერაძე - რა ბედი ელით "პანორამა თბილისის" აქციაზე დაკავებულებს
07:08 / 07-05-2016
განახლებული| "პანორამა თბილისის" საწინააღმდეგო აქციაზე დაკავებულებს თბილისის საქალაქო სასამართლოში გადაიყვანენ, - ამის შესახებ ახალგაზრდა ადვოკატთა ასოციაციის იურისტმა ნონა ქურდოვანიძემ განაცხადა , რომელიც შს სამინისტროს შენობაში დაკავებულებს შეხვდა.
როგორც ნონა ქურდოვანიძემ აღნიშნა, ამ დროისთვის შსს-ს შენობაში არის 5 დაკავებული, ხოლო მეექვსე, ალეკო ელისაშვილი სასამართლოშია გადაყვანილი.
როგორც ადვოკატმა აღნიშნა, ხუთ დაკავებულს ბრალი ედება ადმინისტრაციული სამართალდარღვევათა კოდექსის 173-ე მუხლის თანახმად, რაც პოლიციის მოთხოვნისადმი დაუმორჩილებლობას გულისხმობს.
"მეექვსე დაკავებულს ვერ შევხვდი. ალეკო ელისაშვილი სასამართლოშია გადაყვანილი. ხუთი მათგანიც იქ გადაყავთ. ამიტომ ჩვენ ახლა სასამართლოში მივემართებით", - განაცხადა ნონა ქურდოვანიძემ.
მისივე თქმით, ამ ეტაპზე უცნობია, თუ როდის გაიმართება სასამართლო პროცესი. მისივე თქმით, მასალები უნდა გადაიგზავნოს სასამართლოში და უკვე სასამართლო თავად განსაზღვრავს როდის ჩაინიშნება პროცესი.
ქურდოვანიძის განმარტებით, აღნიშნული მუხლი ჯარიმას 250-დან 2 000 ლარამდე ან ადმინისტრაციულ პატიმრობას ითვალისწინებს.
შინაგან საქმეთა სამინისტროს პრესსამსახურის ინფორმაციით, 6 პირი დაკავებულია ადმინისტრაციულ სამართალდარღვევათა კოდექსის 166-ე მუხლით, რაც წვრილმან ხულიგნობას და ასევე 173-ე მუხლით, რაც პოლიციელისთვის წინააღმდეგობის გაწევას გულისხმობს.
სამინისტროს პრესსამსახურის ინფორმაციით, დღესვე აქციაზე დაზიანდა საპატრულო პოლიციის ავტომანქანა და აღნიშნულ ფაქტზე დაიწყო გამოძიება.
"აქციაზე დაზიანდა საპატრულო პოლიციის ავტომანქანა და აღნიშნულ ფაქტზე დაიწყო გამოძიება სსსკ-ის 187-ე მუხლით, რაც სხვისი ნივთის დაზიანებას გულისხმობს", - აცხადებენ შს სამინისტროში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
